Opinion
Suhay Kun Suhay!
Ilampog, ilabay: Levy Aureus man giraray!
Liwat nagbabalik an Sabi ni Levy pagkalihis nin awad-awad na aldaw nin pagpahingalo dara kan kamatian sa lawas kaibahan na an hugak.
Nagbabalik nganing makisawsaw sa nagbabagang isyu kan aldaw: an sabi pagbugak kan provincia nin Camarines Sur.
Higot an pagtulod ni Diputado “Noli” Fuentebella, kan ika-apat na distrito sa pagbanga kan provincia sa duwa. An ikaduwa aapudon “Nueva Camarines” kabanga kan Camarines Sur.
An pagtubod ni “Noli” an provincia magigin doble an pag-asenso asin magigin doble an progreso kun duwa na.
Higot man an pakikipagtusayan asin pag-ulang ni Gobernador “LRay” Villafuerte. An provincia, soboot, segurado an pag-asenso ta kulang an gastos nin huli ta sulo-sulo. Mauswag na asin mauswag pa, ta sa totoo sana, sa bilog na Pilipinas iyo an inot na tinutuyo kan mga turista magin lokal o dayuhan. Iyo an favoritong lugar nin conferencia asin kumbensyon siring kan ginibong ika-22 na Philippine Advertising Congress poon Nobyembre 16 sagkod 19, taon 2011 na pig-atenderan kan mga bantug-bareta na mga kagsadiri nin mga higanteng television network, broadcast asin print media kaibahan an mga sikat na artista sa television sagkod pelikula.
Sa samuyang pakihumapot sa mga tawong igwa nin pagkasabot manunungod sa pagbukag kan provincia nin Camarines Sur haros gabos sinda nagtutubod na an pagbukag dai makakatabang sa pag-asenso kan kabuhayan. An madagdag sana iyo an mga puwesto sa gobyerno na pag-aaragawan kan mga pulitiko.
An samuyang hinapot, duwang abogado de kampanilya, sinda Henry Briguera asin Ruben General, duwang kagsadiri nin negosyo na dai nagdadaya sa publiko, sinda Apeng Olivan asin Tony Concepcion, duwang taga media, Joe Obias asin Danny Aureus, asin duwang padi, sinda Fr. “Louie” Occiano asin “Ponso” Grageda.
An guiyera patani ninda “Noli” asin “LRay” matindi na. Dakul an gastos sa propaganda, nag-aakusaran pa.
Si “Noli” sinangatan na nin “Plunder” bakong pag-ikit sana kundi paghabas. Iyo man si “LRay” igwa naman kasong inaatubang, “Plunder” man giraray o paghabas man lang.
Sa parehong pangyayari, an pamilya nakakadamay: An agom sagkod an mga aki na dai nakikiaram.
An nagsusuporta ki “Noli” iyo an tulong diputado:
URAGONJun 22, 2012 at 11:11 am
Suhay Kun Suhay!: ano pa man daw kya ang gustong ipahiling kang mga fuentebellang ini, t kung gusto talaga nindang tabangan ang mga taga partido area, dapat kaito pa, ano t kaipuhan pang bangaon ang camsur para sa pag asenso, so utik mo NOLI, dai mo na pagbilogon ang mga payo kang mga taga partido, ang totoong rason ta gusto mo bangaon t gusto mo man maggobernador, mahirak ka n man sa mga tawo sa partido, ta gusto mi n man mag asenso, nagselebrar n ngani kamo kang ika-100 n taon nindo na pangloloko nindo sa mga taga partido, tama na man yan, 100 n taon n man kaming ngtitios saimo, anong gusto mong mangyari sa partido area “maguidanao”? arog kang mga ampatuan, aw ano na man…MAYOR SA TIGAON AKI MO, MAYOR SA SAGNAY AGOM MO, baka pati tanod laogon na nindo…ta kung gusto nindong mag asenso ang partido, aw nagtukaw n baga kamo n 100 ng taon, hain man ang asenso? kamo ang mga ng asenso,so kurakot bga, bakong iyo!, hu maelection n nman, maghanda n naman kang mga pambakal n boto, dyan kamo maurag, magdaya sa election,abaanang maray! kamo man mga villafuerte, ining CWC mo LRay, iyo magayon n maray pagdangogon n sikat man bga ang CWC mo, pero hain man ang asenso kang provensya, si kapitolyo mo iyo ang pinagayon mo, pero si mga tawo kang camsur, iyo man giraray ang pagkabuhay, self satisfaction mo lang ang CWC mo n yan, bisitahon mo ang kada brgy. iyo man giraray, TURISMO man daa ang dara, hain daw an? HANGGAN DAI MAHALI SA PODER ANG DUWANG PULITIKONG INI, MAYONG MANGYAYRI SA CAMSUR, KAMO MAN MGA BOTANTE, SIGE MAN SANA NINDONG TANGGAP NIN BAYAD KADA ELECTION, KUNG ISAY ANG NAGTATAO IYO MAN IBOBOTO NINDO, PAG URONTUGON KO MGA MAN MGA PAYO NINDO…PIRA N PALAN ANG TARAANAN NGONYAN SA BARAKALAN KANG BOTO? HU ELECTION NA NAMAN SA SUNOD NA TAON, MARULOWAS NA NAMAN SO MGA PROJECT MAN DAA KANG MGA POLITIKO, TA NGANING UTOON ANG MGA TAWO, INI MAN MGA TAWO NGPAPAUTO MAN, HOY MGA PERAK TA INING MGA PIGGAGASTOS SA MGA PROYEKTO NINDA, TAX INI KANG MGA TAWO, TAPOS KUNG MAGLAAG NING PANGARAN SA MGA PROYEKTO NINDO, DAING HABAS BAGA…MGA DAING SUPOG…..