Tigsik ko si Hercules
Kinulata kan pulis
Nakatukad sa limang bukid.

Tigsik ko si Sabel
May gatas pa sa ngabil
May sukbit nang badil.

Tigsik ko si Superman
Tagapagligtas kan kinaban
Pitong platong gulaman an kalaban.

Tigsik ko si Tarzan
Kan makalbo an kabukidan
Winawaan ni Congressman.

Tigsik ko si Narda
Bago makakurahaw nin DARNAAA!
Nahoros na an palda!

Tigsik ko si Cinderalla
Sobrang nataranta
Nawalat an bra!

Tigsik ko si Lola Basyang
Sa mga istoryang nakakapurisaw
Binusiaw an mga kaakian.

Tigsik ko si Felimon
Nagbanwit sa kadagatan kan Libon
An nasiod siponon na siyukoy!

Tigsik ko si Dyesebel
Nagsisid sa Regent Hotel
Ukay-ukay an underwear!