Ini an aldaw na pigrorokyaw kan mga obreros sa enterong kinaban an saindang kakosogan sa pagka-sararo;
Tanganing ipamalas an kahalagahan kan trabajo katuwang an kadagaan, kapital, asin kaaraman sa pagmamanejar.

Ini an aldaw na nagkakaigwang hiro protesta contra sa mga soboot panlalamang kan mga kapitalista;
Tanganing makahirit nin dagdag na sueldo para sa mga obreros.

Ini an aldaw na nagwa-wagayway an mga pulang bandera kan mga militanteng grupo,
Habang kinakanta an “International” na nakataas an mga tikom na kamao.

Ini an aldaw nin pagpapamati kan pursigidong pag- oorganisa,
Asin sarabay na paghiro para matanyog nanggad an gobiernong nagtuturog.

Iyo man ini an pagkakataon na mapahayag an pagtuyaw asin kahapotan
Kun taano ta dai ninda nakakamtan an tamang pakinabang
Kan saindang kamawotan asin gina-notan.

Sa siring na paagi, makakamtan kaya an maninigong kasimbagan?
O magagamit naman lang padatolan kan manlaen-laen na intereses political, asin objetong bako man maservi sa pakinabang kan kadaklan.