An mga politicong paslo sa poder biyo na naman nasisibot,
Ta maCHACHA daa with Gloria, logod pigsisilihan an mga lobot.
Pina-ngengenotan ini ni Speaker Joe de Bola sa hababang Congreso,
Na suportado man ni Tabako ta mawot pang magkapot nin puesto.

Mga katungdan sa gobierno pigbaranga-banga nin nagkakapirang familia:
Gobernador na ngani an ama, an ina iyo pa an congresista.
Mayor an matu-a, bocal o consejal man an ngohod na tugang,
Mga politico an pinsan, ama-on, magin an saiyang manugang.

Sinda an may pugol can dakul na illegal na negocio:
Pasugal, prostitution, smuggling, magin an pagtortroso.
Nacamal nin perak para may maibacal nin mga boto
Sa panahon nin eleccion, sobra an pagigin poderoso.

Nagpapasiram-siram sinda sa tahaw nin pagtios can banwaan.
May mga mansion, dollar accounts, asin magagarbong lunadan.
May mga kickbacks sa mga obras-publicas asin iba pang patrabajo;
May payola pa sa jueteng bulan-bulan narerecebi bilang soborno.

An marhay gayod mga politicong ini isakay sa barko asin ipa-anod,
Ta mayo man sindang marhay na naginibo enveziyo pa an napatunod.
Sa saindang pagpataw-pataw duman sa mapating na lawod,
Tamaan man logod kikilat para dagos nang makarulunod!