Iriwal sa
babae, saro an gadan
ki: Poma, Jane, Roanne
SINAKSAK gadan si Ruel Jorbida, Jr., 16, kan brgy. Sabang Ciudad
nin Naga kan saiya man sanang amigo huli kan sahot na nagselos an
victima kan mangyari an incidente kan Enero 17ng banggi sa brgy.
Abella.
An suspechado si Leonard Oserina, 17 kan kaparejong barangay
sinangatan nang casong homicide sa corte kan magurang kan victima
asin detinido ngonian sa Naga City Jail kan Naga City Police.
Sa pahayag kan suspetsado, nagsuntokan sindang duwa ni Jorbida sa
harong mismo kan girlfriend kan victima na si Jayvee Forteras kan
Abella, Ciudad nin Naga, matapos mapikon asin magselos an victima.
Pigpaliwanag pa kan suspetsado na naenot na buminonot nin patarum
an victima kaya sinaksak niya man ini nganing maprotehiran an
saiyang sadiri. Segun pa ki Oserina na an saiyang ginibo saro
sanang pagdefensa kan saiyang sadiri kaya voluntad siyang nagsuko
sa mga awtoridad nganing magpaliwanag.
An pahayag na ini pigpapahimotikan kan girlfriend kan victima huli
ta an suspetsado iyo an nagpoon kan iriwal mientras na dai man
nakikiaram an saiyang dipuntong elosion.
