HULI SA TREASURE
HUNTING
Mt. Isarog peligroso sa landslide
KUN dai mapapapundo kan Department of Environment and Natural
Resources (DENR) an padagos na treasure hunting sa Mt. Isarog
Natural Park namemeligro na mangyari man digdi an landslide asin
flashflood.
Liwat naman na activo an Treasure Hunters sa padagos na pagkalot
sa mga barangay kan Del Rosario aisn Gatbo, Ocampo, Camarines Sur
nagpapara-rarum asin hiwas an kalot na pigtutubodan pigponan kan
mga bulan nin Abril 2004.
An grupo kan Bureau of Mines sa pamamayo ni Engr. Ricardo Nacional,
mga miembros kan Green 7 for Mt. Isarog (Green 7) asin an
Protected Area Superintendent kan DENR, CARE asin iba pang
organisacion an nagconducir nin inspec-cion sa Mt. Isarog Natural
Park sagcod nang inabotan an hararum nang mga kalot sa brgy. Gatbo
asin Del Rosario, dai naman inabutan si envueltong mga trabajador
na nagkakalut sa sinambit na lugar.
An Green 7 componido kan mga LGU na nagpoprotehir kan Mt. Isarog,
kinababalihan kan mga banwaan kan Calabanga, Goa, Naga, Ocampo,
Pili, Tigaon asin Tinambac. Si Consejal Julian Lavadia, Jr.
representante kan LGU kan Ciudad nin Naga nagpahayag na delicado
na an sinambit na barangay sa landslide asin flashflood kun
padagos na papabayaan kan DENR an ilegal na pagparakalot sa Mt.
Isarog.
Sinabi ni Nacional na si rarum kan kalot sa barangya Gatbo, nasa
11.7 metros asin may hiwas nin 9 metros mientras na sa brgy. Del
Rosario, 7.7 metros an rarum asin may hiwas na 6.7 metros.
An sinambit na grupo nagsakat sa Mt. Isarog kan Martes (Enero 25),
mga 6 kilometros an distancia hali sa pamitisan asin may langkaw
nin 300 feet.
Sa investigacion ni Nacional, an mga treasure hunters naghahanap
kan tagong kayamanan orog na an Yamasita.
Dawa na ngani mismo an Bureau of Mines an nangenotan sa pagtukad
sa Mt. Isarog, alagad sinabi ni Lavadia pighahalat na ninda an
accion asin kaipuhan nang isombong ini ki DENR Secretary Mike
Defensor.
Kan Junio 11, 2004, sarong multi-agency fact-finding mission an
pigconducirsa barangay Del Rosario, Ocampo, Camarines Sur asin
naconfirmar na may nangyayaring treasure hunting, alagad an mga
agencia nin gobierno na dapat magprotehir an mayo man nin
ginigibong accion.
Ngonian yaon na an Green 7 for Mt. Isarog an nakaheling mismo kan
situacion na afectado na na kapalibotan sagcod sa purotolan nin
kahoy.
An Green 7 pig-organisar kan mga pagtaraid na LGU na yaon sa
pamitisan kan Mt. Isarog nganing magtarabangan sa pagprotehir
kaini asin sinda magibo na nin resolucion nganing hagadon an
accion ni Secretario Defensor, sabi pa ni Lavadia.
