Cagrit nin Cowaw
“Na cagrit
an Cowaw sa tahaw can nariribongan na sosyodad,
Na cagrit ta nagimata, napokawan, asin nariribaraw.
Na cagrit nin hule sa gawi can mga nagpapasaway,
Cagrit matapos na mag-atid-atid sa mga isyus can aldao”
SONA
May saysay daw an SONA na pinahayag ni Presidente Gloria?
Bako daw puros man lang ini pag-omaw sa sadiri asin pambobola?
Mayo man ining ipinahayag na madolot nin tunay na reporma;
Solamenteng an pagribay can Constitution sa sarong assemblia.
An mawot can publico madangog an paliwanag asin katotohanan,
Sa sahot na pagdaya sa eleccion, para hayag ining maaraman.
An mawot can banwaan atubangon niya an crisis political,
Bakong magpadaplis, o paorogon an sadiring political survival!
An dapat resolveran iyo an rorong kamugtakan can economia.
An dapat atubangon iyo an iskandalong sahot sa saiyang familia.
An dapat ibalik iyo an pawarang confianza sa saiyang
administracion
Mga kasimbagan na iyo an pighahalat ngonian kan enterong nacion!
Kawasa an discurso sa ENGLISH kaya dai man nasabotan kan MASA.
Nakasentro sa CHA-CHA kaya dopa-dopa sa ka-oopak sa Joe de Venecia!
Nagkokorahaw man sa pag-oyon an mga politico, asin mga Congresista,
Ta inoyonan ni Gloria an saindang minamawot na self-serving
agenda!
An SONA ginamit na sarong stratehiya para magka-igwang division,
Tanganing lalong magkabaranga an mga politico,
asin iba pang sector can nacion
An katuyuhan iyo an pag-consolidar kan fuerza can administracion,
Para dai mahali sa Malacañan an Presidenteng kapit-tuko sa saiyang
position!!!
