---

Cha-cha pantahub ni GMA sa impeachment


PILI, Camarines Sur - Si Vocal Emmanuel Llaguno kan tercer distrito kan Camarines Sur duda sa pagtulod ni Presidente Gloria Macapagal-Arroyo sa Congreso na ponan na an debate sa charter change nganing ribayan an presidential system pasiring sa federal-parliamentary system kan gobierno nganing matahuban sana an ano man na impeachment trial contra sa saiya.

Pig-fafavoran kaini an cha-cha kun iyo an puedeng makaresolver sa crisis political asin economia alagad kaipuhan enoton muna an pagdangog kan impeachment complaint.

An vocal kan tercer distrito na sarong Abogado, nakatapos kan enot na tolong termino asin balik naman sa junta provincial nagsabi na an Presidente nahalian na nin confiansa asin credibilidad huli kan issue sa “Helo-Garci” asin iba pang mga escandalo sa saiyang administracion kaipuhan mag-atubang sa impeachment trial huli ta panong makakahawas siya sa mga controvercia asin magcampania sa cha-cha kun mayo nin pagtitiwala sa saiya an publico.

Si GMA, haros si oras kan saiyang State of the Nation Address (S0NA) kan nakaaging Julio 25 pigtawan sana nin importancia iyo an cha-cha sa atubangan kan crisis sa politica sa saiyang administracion.

Nganing mahali an mga pagduda sa saiya dapat tugotan an congreso na enoton muna an impeachment case envez kan pag-enmienda kan constitucion na dai ngani seguradong makakalusot huli ta mayoria kan mga miembros kan Senado an nagpahayag na nin pag-oponer.

Mientras tanto, maging an manlaen-laen na sectores sa Ciudad nin Naga an nagtaong reaccion na kaipuhan enoton muna an impeachment case laban sa presidente huli ta bako man nganing puedeng maging solucion sa economia an pigtutulod na cha-cha.

Si bise alcalde Gabby Bordado kan Ciudad nin Naga nagtuyaw man sa SONA ni GMA huli ta nakaconcentrar