Pagtaram ingles bawal sa Cam. Norte
DAET,
Camarines Norte - Sarong bulan babawalan ni Gobernador Jesus
“Atoy” Typoco an mga oficina kan capitolio provincial maging iba
pang agencia asin privadong oficina na mag-gamit nin ingles sa mga
comunicacion sa ano man na oficial na transaccion kan mga oficina.
Sa pinaluwas na Executive Order No. 2005 - 18 ni Typoco ini huli
kan Linggo ng Wika sa bulan nin Agosto huli ta an tataramon na
tagalog sarong pang nacion na dapat payamanon kaipuhan magserbing
pagkakaburogkos kan mga Filipino.
Katuyohan kan Executive Order nganing ipasabot an kahalagahan kan
“Wikang Pambansa” na maserbing tulay sa pagkaka-irintindihan kan
sarong nacion.
Kan panahon ni dating Presidente Joseph Estrada kan siya miembro
pa kan Senado enot naman pigpasunod ini sa manlaen-laen na agencia
kabali na sa public school, alagad dai man pig-implementar kan
ibang mga agencia sagcod na nawara na sana asin pagrumdum na sana
kan Linggo ng Wika.
Dai man piglinaw sa EO kun ano an magiging penalidad sa dai
masunod na mga agencias de gobierno asin sa pribadong oficina. (francis
elevado)
