---

Cagrit nin Cowaw

“Na cagrit an Cowaw sa tahaw can nariribongan na sosyodad,
Na cagrit ta nagimata, napokawan, asin nariribaraw.
Na cagrit nin hule sa gawi can mga nagpapasaway,
Cagrit matapos na mag-atid-atid sa mga isyus can aldao”


Manhid!

Manhid daa an presidente Glorci sabi can artistang si Susan
Ta dai niya namamatian an nasasaboot can banwaan.
Maski na ngani igot-igot na ining naghagad tawad can saiyang naginibohan,
Pero dae man pigclarar cun ano an saiyang inakong casalan.

Manhid gayod sa pag-implementar can EVAT sa tahaw can pagtios,
          asin pagcontra can namamanwaan.
Manhid gayod sa mawot can publicong maaraman an “Hello Garci!” tapes,
          asin catotohanan.
Manhid gayod sa pagroro can economia al contrario
          sa pinaluluwas na propaganda.
Manhid gayod sa cawaran tiwala can mga tawo sa liderato niya.

Manhid gayod sa dacul na nakakagurutom na mga ka-akian.
Manhid gayod sa dacul na squatters na daeng toltol na ma-istaran.
Manhid gayod sa padagos na pagralangcaw can mga baracalon.
Manhid gayod sa padagos na pagbolosoc can PISO sa saiyang administracion.

Manhid man caya sa soboot jueteng money na ginastos sa saiyang campaña?
Manhid man caya sa soboot commissions can minani-obrang contrata?
Manhid man caya sa soboot jueteng payola na gican
           sa mga gambling lords arog ki Bong Pineda?
Manhid man caya sa soboot Jose Pidal account
           na kinasasanggotan can saiyang pamilya?

An lider igua dapat halangkaw na moral na principio,
Asin iyo an nagpapa-arog can matanos na servicio publico.
An lider dai dapat nasasangkot sa mga nacacasopog na controvercia,
O nagpapa-orog can saindang interest political magin can sadiring familia.