Golf course project sa Naga
pangiturogan sana
SAGCOD
sana sa pangiturogan na magka-igwa nin golf course sa Ciudad nin
Naga, enot na pigplano kan taon 1997 kan panahon pa ni dating
Presidente Fidel Ramos sagcod sana sa reclasification kan mahiwas
na propriedad ni Antonio Austria sa Barangay Carolina, dai man
narealisar.
Alagad si Consejal Julian Lavadia, Jr. chairman kan Committee on
Land Use kan Sanggunian Panlungsod kan Ciudad nin Naga nagsabi sa
ngonian mayong aplicacion sa City Hall nganing ipadagos an plano
kan proyecto kan golf course.
Napag-araman kan Consejal na igwang nagkaperang mga agente sa
pagpabakal nin lote sa Barangay Carolina na ginagamit sa saindang
pag-vienta sa sarong subdivision na mag-aprovetsar na nganing dai
maubosan nin lote mientras na yaon digdi mamumugtak an golf course
kan Naga.
Tinuyaw ni Lavadia an arog kaining gawi kan ibang agente sa lote
huli ta dai man ngani seguradong marerealisar huli ta mayo na
nganing aplicacion para sa pagpadagos kan proyecto na puedeng
dayuhon nin turista.
Saro sanang paagi nganing maconvensir an parabakal asin an
informacion nagkapera nang mga alcalde an pig-alok asin iba pang
oficiales local hali sa luwas kan ciudad nin Naga.
Sinabi ni Lavadia na igwa nang ento na kasundoan an maysadiri kan
propriedad asin kan Fil-Estate na iyo an ma-develop kan maabot sa
133 na hectarias.
Inaprovaran sana kan DAR an reclasificacion kan 65ng hectaria sa
sobra sa 100 na hectaria na maging residential hali sa dating
agricultural. Kaya ngani kun igwa man nin proyecto iyan para sa
subdivision mayo pa nin permit sa golf course project, sabi pa kan
consejal.
Kun nadagos an golf course project iyo pa sana ini an enot digdi
sa Kabikolan na puedeng dayuhon nin turista.
Sagcod sa ngonian an Sanggunian Panlungsod mayo pang inaaprovaran
para sa sinambit na plano, alagad dai paman giraray hinahali kan
City Hall na ipadagos an proyecto.
