2 casong panlulupig sinangat vs Yao
Si
NBI Regional Director Lauro Reyes nagpa-apod nin press conference
nganing confirmaron na igwa nang reclamong panlulupig an 16 anyos
na katabang sa harong laban ki Herbert Yao.
ARONG
negociante sa Ciudad nin Naga an naka-atubang nin duwang casong
panlulupig sa reclamo kan 16 anyos na katabang kaini sa harong an
pigsangat kan NBI sa Prosecution Office kan Junio 14ng aga.
An suspechado pigbisto kan NBI na si Herbert Yao, na enot habo
munang ibuyagyag kan mga awtoridad an pangaran kaini mientras na
pig-iinvestigaran pa an victima, alagad huli ta naghagad na nin
tabang ki Alcalde Edgardo Felizminio kan Milaor, Camarines Sur si
NBI director Lauro Reyes nagpa-apod nin press conference sagcod
nang saiyang pig-confirmar na an sinambit na negociante iyo an
pigrereclamo kan katabang man sana kaini sa saindang residencia sa
barangay Mabulo, Ciudad nin Naga.
Enot nang sinangatan nin casong qualified theft an victima kan
saiyang among sa sahot na iyo an nag-ikit kan P3,000 na cash asin
bracelet na cantidad P3,000.
Si casong panlulupig na pigplantiar sa Provincial Prosecution
Office an pigbawi kan Junio 14ng hapon ni Atty. Noe Botor,
Presidente kan IBP Camarines Sur Chapter sa pagtugot kan victima
asin magurang kaini nganing ibalyo sa Municipal Trial Court.
An pamayo kan IBP iyo an nagtitindog na abogado kan victima
nagdecicion na ibalyo an pagsangat nin caso sa MTC sa Camaligan,
Camarines Sur nganing directa nang isangat an caso sagcod na
magpaluwas nin mandamiento de aresto an jusgado.
Pigdara sa MTC Camaligan an jurisdiccion kan caso huli ta si
ika-duwang pang-aabuso segun sa declaracion kan victima sa NBI
ginibo sa Motorist Lodge, Marupit, Camaligan.
An incidenteng ini nangyari kan Mayo 30, 2005 mga alas 9:00 nin
aga mientras na naglilinig sa saindang kusina pigsabihan na
“Halika, sumama ka sa bahay ko”. An pigdarahan sa saiya lunad sa
kotse iyo an sinambit na hotel sagcod na digdi naginibo an pan-aabuso
asin pinatakot na igwang mangyayari kun masumbong sa saiyang ama.
Si enot na incidente nangayri kan Mayo 18, 2005 sa residencia kan
saiyang among sa barangay Mabulo, Ciudad nin Naga an caso yaon na
sa jurisdiccion kan corte sa Naga.
Sa press conference ni Reyes, sinabi kaini na andam nindang
recibihon kun mawot na mag-simbag nin amay sa reclamo an
suspechado dai man nag-abot envez an saiyang abogado na naghahagad
nin copia kan pigsangat na reclamo.
Si Atty. Perfecto Bragais III iyo an abogado kan suspechado asin
dai paman nakakarecibe kan subpoena kan saiyang cliene huli ta
sinangat pa sana an caso sa Prosecution Office kan Junio 14, 2005.
