Aniversario kan CARP sinabayan protesta
PROTEST
RALLY contra sa ika-17ng aniversario kan CARP, reclamo kan
DAMPA-CS dai na-iimplementar an tunay na reforma sa daga.
IKA-17ng aniversario na kan Comprehensive Agrarian Reform Program
(CARP) kasoodma na pigcelebrar kan Damayan nin mga Paraoma sa
Camarines Sur (DAMPA-CS) sa paagi nin protesta nin mga militanteng
grupo sa atubangan kan Hall of Justice sa Ciudad nin Naga asin sa
oficina provincial kan Department of Agrarian Reform sa Pili,
Camarines Sur.
Kabali sa saindang pigdedenuncia iyo an kawaran nin tunay na
reforma sa daga sa laog na nin 17ng taon, pundohon na an
pag-recibe kan casong agrario sa corte kan MTC asin RTC.
Nagiging injusticia sa mga paraoma lalong pinaparuro an paglitigar
kan mga casong agraryo sa mga sala kan MTC asin RTC huli kan
kadakli sa mga caso nafafavoran an mga may hacienda. An mga casong
ini dapat itao na sa jurisdiccion kan corte kan agrarian (DARAB).
Ini an panindugan kan DAMPA-CS sa suporta kan Bayan Muna,
Anakpawis, asin iba pang mga militanteng grupo na naging activo sa
pagparticipar sa sadit na grupo na naglansar nin protesta kasoodma.
Kasabay man sa sinambit na protest rally si Jariz Beda kan Bayan
Muna nagsabi sa saindang tiripon pighahagad na an pagdemiter sa
puesto ni Presidente Gloria Macapagal-Arroyo sa inaatubang na isyu
kaini sa escandalo sa jueteng asin an wiretapped conversation
ninda Comelec Commissioner Virgilio Garcillano nganing maseguro
kan presidente na ganahon an nakaaging presidential eleccion.
An audio taped inako ni spokesperson Ignacio Bunje na voces ni
PGMA, alagad dai nahaloy nagbago an saiyang pahayag dai na
nakakaseguro. Maging si GMA an nagsasayuma nang magpaluwas nin
comentario sa sinambit na isyu na pigbuyagyag ni dating NBI deputy
director Samuel Ong.
Sinabi kan lider kan Bayan Muna na saindang suportado an
pangapodan sa pagpatagbang sa puesto ni Presidente Arroyo.
