---

Sabi kan BUBUWIT


Tamaan nin Lintik!


Su mga nasahotan na nagrerecibeng payola hali sa JUETENG
Igot an pagnegar, asin paghimotik na sinda nakiri-nabang.
Dai daa nanggad nasobornohan, o mayong pagka-aram,
Maski ese can publico na sa illegal na sugal sinda katabang.

Kun an dongo ni PINOCCHIO nalaba, cada pagpotik,
Sana sa cada pagnegar, awtpa man tamaan nin lintik!
May mga tawo kayang tandayag na sa pagka-suwitik,
Maski buking na pirit na napalosot, igot pa an pagpitik.

An sabi: An pagpadalagan kan JUETENG runs in the family.
Like father, like son, o baka ipasa pa sa grandson, kun puede.
Kun may Jose Pidal na idol can aking si Lion King;
Siisay sa probincia an mag-amang nasasancot man sa JUETENG?

Kaya palan padagos an paglala can criminalidad asin insurhencia,
Ta an ina-atupag can mga police commanders iyo an pag-dedelihencia.
Milyones na pesos an tinataong protection money can mga sindicato
Sa mga taong dapat magdakop, magpapondo can illegal na juego.

Hirak man can Pilipinas asin can mga namamanwaang Pilipino
Kun siring an clase asin character can mga lideres asin namamayo.
Hanggan no-arin pa kita matios, asin padagos na masacripicio
Sa mga daeng sopog asin potikon na kapulisan (o Tulisan), asin politico???