Nagtugron an sarong rignos
sa alang na sanga kan akasya.

Hiniling kan sadit na gamgam
an bilog na kahiwasan.

Daing girong an kino sa oma.
Dai nakukurag’it an mga paroy.

Puminundo sa paghinghing
an mga alang na burabod.

Tinuruhakan kan rignos
an itum na panganoron
sa may harayong distansya.

Uminabot an makusog na duros asin alpog
pigpagpag niya an saiyang mga balukag
garo nagtarakig an gamgam.

Mantang nangiturugan
si mga natatadang dahon
nin sadiri nindang mga pakpak.