Basud Elementary School,
national champion sa competicion sa banda
DAET, Camarines Norte - An Basud Elementary School iyo an
nakapatos kan National Champion para sa Battle of the Band
elementary level na pigparticiparan nin 23 na mga delegado hali sa
manlaen-laen na region.
An competition ginibo sa Amoranto Stadium sa Ciudad nin Quezon kan
Mayo 30, 2005.
Maogmang nagpuroli an mga estudiante sagcod nagpasalamat an mga
magurang asin paratukdo ki Gobernador Jesus Typoco, Jr. huli kan
suporta na tinao kaini nganing makaparticipar sa Battle of the
Band.
Maabot sa 64ng estudiantes hali sa sinambit na escuelahan an
nagpaheling kan saindang kabatiran sa Drum and Lyre Competition na
piglabanan nin 23 na mga delegacion hali sa manlaen-laen na
region.
Si Kim de Luna, grade II pupil saro sa pinaka-aking nagbali sa
grupo, alagad dai lamang nagpaheling kan pagkahandal sa
competicion sagcod nagtapos an laban.
Sa entrevista kan Bicol Mail ki Jun-jun Moreno, 31, DLC trainor,
sinabi kaini na limang bulan sana an ginibo nindang pag-ensayo
alagad ginibo kan mga estudiantes an saindang kakayahan nganing
maging champion. An naging maigot nindang kalaban iyo an
delegacion hali sa Baclaran Elementary School sa Fairview
Elementary School. (Francis Elevado)
