Sinda an mga mo-singon na aki na naka-abang sa mga tinampo,
Sa mga parking spaces para magsenyal sa pag-sibog kan mga auto.
Sinda an mga nagpre-presentar na babantayan an saimong vehiculo.
Pero kokoritan ini, pag ika koripot, o dai nanggad magtao!

Sinda an mga korit boys na mosing man kan Gobierno kan Naga,
Sa tahaw kan kadakul-dakul nang na-recebing mga awards asin onra.
Sinda an nagtata-o ning makanos na ladawan sa local na turismo;
Nagpapa-baldi asin kinasusuyaan kan mga may-sadiring vehiculo.

Ano daw an lakdang kan City Hall sa siring na problema,
Ta hanggan ngonian mayo pa man maninigong programa.
Mga korit boys kaya tiriponon asin obligaron magralaog sa escuela,
Tawan pagkakakitaan, o disenteng trabajo enves magrayaba-yaba.

Pero kun madanay an pagkokorit, sasakyan saindong kobongan,
O pabantayan sa mga de-sabog na sikyu para dai maraw-rawan.
Habang may nagugutom, nagpapabayang magurang, asin nagtitios,
Mga pangpeperhuwicio kan mga korit boys sigurarong mapadagos!