Atamanon Kapalibutan
Atty. Sim
Adan
Lakaw kan mga Rizalista
para man sa kapalibotan
Maabot sa tolong gatos na paralakaw mga aki, jovenes pati may-edad
na man an boronyog na nagralakaw nin limang kilometro magpoon sa
Plaza Quezon hanggan sa Naga Ecology Park sa Zone 6 San Felipe,
digde sa Ciudad nin Naga kan Domingo ika-19 kan Junio, 2005.
An lakaw na idto sarong dolot sa pag guiromdom kan ika 144
anibersaryo kan pagkamondag ni Dr. Jose P. Rizal an satong numero
unong heroe Filipino.
Minsan ngani idto sarong gawing makabansa sa pag onra sa satong
minimidbid na heroe martyr na si DR. JOSE RIZAL sa pag sponsor kan
mga Rizalista sa Naga, alagad si acto nindang paglakaw sarong gawi
sa karahayan kan saindang mga salud o hawak, siring man si rota
ninda na pasiring sa Ecology Park asin ta duman ninda gueniyahan
si mga participante na maheling mabisto an sarong magayon na parke
sa Naga na harane sa centro kan ciudad sarong gawing pagpahalaga
sa KAPALIBOTAN.
Dakol ngani nin si mga paralakaw na nagparticipar nagsabi; “kita
palan sa Naga may magayon na ma-aliwalas na lugar sarong eco park
na puedeng ikompara sa ibang mga parke sa bilog na nasyon kompleto
man sa mga dalawon, magpahingalo, maglanghap nin preskong doros sa
lindong nin mga darakol na kahoy. Ine talaga an makakalikasan na
actibidad na naayonan ko”. Kaipuhan seguro gibohon ta ine bako
lang sarong beses kundi firme kitang magbisita sa parke na ine pag
onra pagpabantog, pagsuporta kan kapalibotan.
Minsan ngani an nagmukna iyo an Knights of Rizal Naga City Chapter
dahil sa okasyon na piguiromdom sa aldaw na ine ki Dr. Jose Rizal,
dakol na mga tao sa Naga an nag andoyog asin nagtaong suporta.
Enot na enot iyo an Sangguniang Panglunsod, na sa pasolocitod kan
Knights of Rizal nag abuloy nin halaga na iyong pig distribuier na
T-shirts sa 250 paralakaw parareho may nakaimprenta pa an ngaran
kan ralakawan; an G-7 Bank ni Mr. and Mrs. Totoy Co nagtao man nin
para sa snacks asin “raffle prizes”, an Princeton Trading ninda
Mr. and Mrs. Raymund Tan, Si Mr. and Mrs. Aping Olivan kan Sea Oil
Naga, Engr. and Mrs. Emeterio Aman kan Parkview Village, Mr and
Mrs. Eddie Mercado kan Caceres Sports Arena anas po nadolot man
tabang finansyal; an Pepsi Cola, Naga City nagtao na nin soft
drinks nagpasubli pa kan Sound Track ninda kaiba sa parada asin an
City ENRO na nagpasubli man kan Mobile Sound Track, an City
Hospital na nag alalay pa si saindang ambulancia, an PNP na
nag-escort pa nin motorized police asin an KABALIKAT sa pamamayo
ni Mr. Nathan Sergio na nag-alalay kan order kan mga pagralakaw
pasiring sa Eco Park.
Dakulang gayong tabang an grupo kan United Commandants Officers sa
liderato ni Mr. Vic Avila na nagtiripon kan maabot sa 180 mga PMT
officers na kadaklan sa grupo na naglakaw na mga jovenes na
mabascog pa si tuhod. An iba man na mga girl scout boy scouts kan
DepEd Naga naglakaw man. Siempre na si mga Knights of Rizal asin
Knights of Columbus na naka shorts pa man pero risa na na
nagpilay-pilay o ngorot kan harane na sa Eco Park kaiba man sinda.
Primerong pagkakataon na an mga jovenes sa Naga maka ayon sa mga
“gurang” sa paghonra ki Rizal asin pagpahalaga sa Kapalibotan
Mabuhay an Knights of Rizal, Happy Birth Anniversary ki Dr. Rizal.
Malinig na Kapalibotan sa Naga mabuhay an Eco Park asin kudos sa
ISAROG GARDEN SOCIETY congratulations ki Mrs. May Palacio na nag
coordinar sa Eco Park asin siempre an Knights of Rizal kan Naga.
