---

Cagrit nin Cowaw


“Na cagrit an Cowaw sa tahaw can nariribongan na sosyodad,
Na cagrit ta nagimata, napokawan, asin nariribaraw.
Na cagrit nin hule sa gawi can mga nagpapasaway,
Cagrit matapos na mag-atid-atid sa mga isyus can aldao”

Hello! Hello! Garci?
Sarong pag-olay sa telefono na nagdolot nin pagduda
            sa integredad can presidente,
Sarong pag-olay na dapat ipaliwanag sa banwaan cun totoo o dai nangyari.
Sarong pag-olay na nagtolod na I-cuestion an resulta
            can naka-aging national election,
Sarong pag-olay na nagdolot nin pagkabaranga,
            pagka-ribong asin de-stabilization!

Hello! Hello! Garci?
Siisay an may catuyuhan o makinabang sa nasabing escandalo?
Siisay an mga casabwat can mga tawong guminibo?
Siisay an may pacana, asin ano an mawot nindang macantan?
Siisay an dapat basolon sa siring na cabalbalan?

Hello! Hello! Garci? Would I still be leading by 1 Million?
Taano ta nangyayare ini ki Presidente Gloria?
Taano ta ginigibo an gabos, basta sana manggana?
Taano ta mayong pagka-honesto, dai pang delicadeza?
Taano ta padagos an pag-silencio, o sinreparo sana?

Hello! Hello! Garci?
Hanggan nooarin kita matogot na lokohon can mga politico?
Hanggan noarin kita mati-os sa padalagan can “fake”na gobierno?
Hanggan noarin matatago an katotohanan sa publico?
Hanggan noarin kita matorog-torogan asin padagos na mapaloko?

Yes Ma’m. Yes Ma’m. Aayusin po natin.