---

Cagrit nin Cowaw

“Na cagrit an Cowaw sa tahaw can nariribongan na sosyodad,
Na cagrit ta nagimata, napokawan, asin nariribaraw.
Na cagrit nin hule sa gawi can mga nagpapasaway,
Cagrit matapos na mag-atid-atid sa mga isyus can aldao”
 

Sex Terrorists

An hona mi sibot-sibot an mga Americanong soldados sa war exercises.
Ito palan an katuyuhan sa Pilipinas iyo an R & R, sin sex exercises!
An hona mi an pigta-target asin pighaharapag iyo an mga terorista.
Ito palan an pig-hu-hunting, asin hinahanap iyo an mga daragang Pilipina!

Dahil sa Visiting Forces Agreement(VFA) yaon an mga dayuhang soldados.
Dahil sa VFA, bako daw dakul an malulupigan, asin makakabarados?
Iyo man kaya ini an gamiton na padatolan para ma-fracasar an justicia?
Na maski may krimen na nacomiter, mayong naghahalat na padusa.

Dahil sa VFA, natimak-timakan an sobereniya can Pilipinas.
Dahil sa VFA, pati dignidad can mga kababaihan, matitimasang, madidimalas!
Dapat itindog can babaeng Presidente an honra can satuyang nasyon.
Dapat sa krimen na ini, an local na corte an may jurisdiction.

Dae ta togutan na makadulag an mga sex terrorists,
Ta digdi nakataya an satuyang kasosopgan asin interests.
Dae kita magpa-api lalo na sa mga dayuhang puti.
Tanganing kita irespesto sa mundo can gabos na lahi.