>
Si Madi, Si Padi
AN mag-agom nasa second floor kan saindang harong. An lalaki yaon
sa comfort room, an babae nagkakarigos sa bathroom.
Nagtanog an buzzer sa first floor. Sabi kan lalaki sa babae:
“Agom, helinga daw tabi kun si-isay an nagbu-buzzer.”
Nagpatos tulos nin twalya an huba-hubang babae asin nagbaba sa
first floor. Kan buksan an pintuan, an nahiling iyo an saindang
padihon na si Pading Joe.
Nagtao nin galang si padi ki madi asin an sabi: “Bilib daw ako
saimo madi, seksi asin magayon pa man giraray. Mayaman pa man
giraray an daghan. Tatawan ta ka nin sanggatos pesos, madi, kun
ihuros mo nin kadiit an twalya mo sa daghan”!
Nagpa-honra man si madi. Ibinaba nin kadiit an nakapuropot na
twalya sa daghan. Sabi pa ni padi: “Tatawan ko ika nin sanggatos
pesos pa, madi, kun ibaba mo an twalya sagkod sa habayan”.
Nagtugot si madi na nakahuyom. Nahiling kan burarat na mata ni
padi an duwang matambok na mayon ni madi na dai nin pandong na
panganoron!
Nanruluya an tuhod kan lalaki, nagtirindog pati an bigote. Dai
makatubod sa ginibo kan minatubodtubod na madi. Haros gawgawon an
tindog na mayon. Alagad natakot tibaad madakop ni padi.
Pagkalihis nin perang minutos, nagpaaram na si padi ki madi na an
kamot nakadukot sa bulsa: tindog an gabos na ugat sa hawak!
Pahinghing na sabi ni madi ki padi: “Balik giraray”!
Paghali ni Pading Joe, nagsakat na si madi sa second floor.
Sinabat tulos nin hapot kan agom: “Si-isay siya, agom”?
“Si Pading Joe. Hinahanap ka, kumusta daa”, sabi kan babae.
Sabi kan lalaki: “Dai nagwalat si Pading Joe nin P200 na bayad kan
utang niya sa sakuya”?.
Dai na nagsimbag an babae ta tibaad bawion pa an saiyang talent
fee!
- o0o -
An mag-agom nag-uulay harani sa tangkal kan orig. Sabi kan lalaki
sa babae: “Agom, mahali ako. Alagad maabot si Pading Joe, igwa nin
darang pakal na masagbat kan satuyang nagkikirag na anayon.
Pag-abot, ta mayo ako, ika na sana an magpa-sagbat”!
Sabi kan babae: “Arin sa duwang orig an nagkikirag, an yaon sa too
o walang tangkal”?
“Tanganing dai ka matalang, tatandaan ko nin pako an tangkal kan
nagkikirag”, sabi kan lalaki. Pagkatapos pakuan an tangkal, an
agom na lalaki naghali na.
Dai sana nahaloy, nag-abot na si Pading Joe na may dara nin pakal.
Naghapot sa bagong magkarigos na madi kun arin na orig an
papasagbatan. “Ribong na daw ako”, sabi ni madi.
Nahiling ni Pading Joe an pako sa tangkal asin naghapot: “Madi,
anong boot sabihon kan pakong ini”?
“Ah, iyan, sabitan kan pantalon mo”, simbag ni madi na nakahuyom.
Nasakyan tulos ni Pading Joe an boot sabihon ni madi: si madi
bagong magkarigos asin sulo-sulo sa harong!
