Caravan contra sa Con-As
“Constitutional Convention bakong Constituent Assembly’ ini an
panindugan kan mga militanteng grupo sa Camarines Sur asin albay
mientras na naghihiro na sa Camara-Baja an signature campaign para
sa Con-As asin suportado na kan ULAP.
Nagkakaigwa sa ngonian nin Citizen Caravan for the Truth and
Reform sa Bicol na nagsikad na sa provincia kan Albay asin sa dai
mahahaloy masunaod na digdi sa Camarines Sur nganing ipaheling sa
congreso an saindang pusog na pag-contra.
Saindang pig-dedenuncia an Con-As huli ta para sa interes sa na
kan mga presenting nakatukaw na politico sa congreso asin sinda
iyo man sana an magluluto alagad si para sa namamanuan Filipino an
dai man ninda prioridad.
Sa paagi kan pagpili nin mga delegado kan mga miembros kan Con-Con
directa sa namamanuan saindang makokoa an pulso asin kamawotan kan
kasaradit na namamanuan bako lang para sa interes kan mayayaman
asin curaptong oficial kan gobierno nganing padagos sindang
magkurapot sa puesto.
An sinambit na caravan pigpaparticiparan kan Anakpawis, Bayan Muna,
sector nin mga trabajadores, mga kababaihan asin iba pang
militanteng grupo.
