LGU Pili, maysadiring Physical Rehab
Center
PILI, Camarines Sur - An local na gobierno kan banwaan na ini iyo
sana an igwa kan Physical Rehabilitation Center sa mga pacienteng
orthopedically impress kabali na an atritis asin mga kaakian na
may defecto na dai tolos nakaka-tindog. Ini regular na
pigmamantenir kan Municipal Health Office.
(Photo
Caption) Unikong
Physical and Rehabilitation Center sa Camarines Sur, nasa banwaan
kan Pili na pigmamanejar kan local na gobierno. Sa retraro iyo an
dos anyos na aking lalaki na cerebral palsy client na pigbubulong
sa paagi nin electrical stimulation.
Completo an mga gamit sa laboratorio asin iba pang mga materiales
maging sa minor de edad asin miembros na kan senior citizen.
Sinabi ni Alcalde Tomas Bongalonta, Jr. an Pili Physical
Rehabilitation Center saindang na-itogdas kan Octubre 23, 2005
asin ngonian nagiging nang operational nakikinabangan na kan mga
pobreng paciente.
Mayong pighahagad na bayad envez donacion sana si kaya kan
paciente na maitao sa rehabilitation center. Pigdadayo na matapos
maaraman na bukas na sa pag-aceptar nin mga paciente.
An Simon of Cyrene Children’s Rehabilitation and Development
Foundation, Inc. an magkaka-igwa sinda nin visitantes gikan sa
Bhakti Luhur (Indonesia) asin Callan (Papua, New Guinea) para sa
saindang pagriribayan nin informacion mayormante mawot na maheling
an Pili Physical Rehabilitation Center sa pigtalaan na pagvisita
sa Febrero 22-23, 2006.
Huli kan efectivo an implementacion kan Community-Based
Rehabilitation Program sa kabesira kan Camarines Sur naging
interesado an sinambit na mga dayuhan na visita na maheling an
sinambit na center.
