ARD Dayao nagribay ki Torres
Pili, Camarines Sur- Si assistant regional director Jose Dayao iyo
na an nag-asumir bilang OIC regional director kan Department of
Agriculture sa Bicol karibay ni director Balagtas Torres na
nagtapos na an anom na bulan na pinalawig na servicio sa gobierno.
Si Dayao, dati nang nag-ambicion sa puesto antes nanombrahan si
Dr. Hector Sales bilang OIC director alagad huli kan kawaran nin
padreno nin politico nalihisan siya apesar calificado asin haloy
nang ARD kan DA Bicol.
An oficina kan DA nagpahimotik man kan mga report na naghahagad
liwat nin extension si Torres nin panibagong anom na bulan huli ta
dayupot siya ki Secretary Domingo Panganiban na dating ka-clase sa
UP Los Baños.
Naghali na sa oficina si Torres, may walat pa siyang inaatubang na
casong usurpation na pigsangat contra sa saiya ni Dr. Sales na
enot nang pigbasura kan corte alagad nagpapadagos pa huli ta
nagplantiar nin motion for reconsideration huli kan discuntento sa
naging decicion afavor sa nagretiro nang pamayo kan DA.
Si Sales nagcucuestion kan pag-asumir ni Torres kan Septiembre
2005 huli kan cuestionable an mga papeles kaini hali sa Malacañang.
Alagad an nagretiro nang official iyo an pigsuportaran ni
Panganiban kaya ngani natapos kaini an anom na bulan na extension
of service.
