Cho, napiling chairman
kan Aksyon Democratico
Si dating congresista Sulpicio (Cho) S. Roco, Jr. kan segundo
distrito kan Camarines Sur iyo an pigkasararoan kan mga lideres
kan Aksyon Demokratiko na maging chairman kan Executive Committee
karibay kan saiyang tugang dipuntong Senador Raul S. Roco.
An pag-organisar asin pagpili kan mga official kan partido nganing
liwat na pakusogon na pigtugdas kan dipuntong senador na componido
nin 40,000 na miembros sa manlaen-laen na region na saindang
pigmamantenir na kabali sa grupo sagcod na saindang pahiwason pa
an organisacion.
An iba pang mga napili iyo si Abogado Batas Mauricio namamayo kan
partido sa Northern Manila, Abogado Obet Roco, aki kan dating
senador iyo an vice charman for National Capital Region, Inday
Santiago, vice chairman for Mindanao mientras na igwa nang pigpili
sa region kan Visayas.
Si alcalde Tomas Bongalonta kan Pili, Camarines Sur iyo an napili
bilang vice chairman for Bicol.
Sa entrevista ki dating congresista Roco, sinabi kaini na sinda
matalaan nin national assembly na paparticiparan kan mga miembros
hali sa manlaen-laen na mga provincia.
Mientras tanto, napag-araman na an dating congresista kan segundo
distrito an pigcoconsiderar kan partido na maging candidatong
senador sa eleccion sa taon 2007, alagad ini habo pang confirmaron
sagcod na mayo pa nin final na decicion an saindang mga lideres
asin ini puedeng maaraman sa gigibohon nindang national assembly.
