Palarong Pambansa 2006
confirmado na sa Naga
Bordado, makapot kan media
coverage
An
executive committee kan Department of Education nagdecicion na
pilion an Ciudad nin Naga bilang iyo an presentador kan Palarong
Pambansa 2006 laban sa duwang mga ciudades na nagparticipar sa
subasta na iyo an Puerto Princesa asin Marinduque.
Alcalde Jesse M. Robredo kasoodma sa mga miembros kan prensa
matapos saiyang marecibe an final na decicion kan executive
committee mientras na pighahalat na lang an pag-aprovar ni
Presidente Gloria Macapagal-Arroyo.
H. Bordado, iyo an natukahan sa comite na magkapot sa local asin
national media coverage huli ta igwa na siyang kabatiran siring
kan duwa nang mga nakaaging Palarong Pambansa.
Nag-asegurar si Bordado na saiyang amay na aandaman an saiyang
comite tanganing mas maging efectivo an pagpaluwas nin mga resulta
kan manlaen-laen na events mientras na dati na siyang namahala sa
local asin national media sa mga nakaaging competicion.
Enot nang nagluwas an report na an Puerto Princesa City iyo an
puedeng maging presentador kan Palarong Pambansa ngonian na taon,
alagad nagsayuma na huli ta dai preparado an saindang sports
facilities.
An Ciudad nin Naga, naka-duwa nang veces na nagpadalagan kan
Palarong Pambansa asin matutulohan ngonian na taon kaya ngani bako
nang deficil sa mga oficiales local asin sa DepEd na mag-andam kan
mga programa.
Sa ngonian an ginigibong mga preparacion sa Metro Naga Sports
Complex sa Barangay Pacol iyo an nakatalaan na Palarong Bicol 2006
na gigibohon sa March 25, 2006.
Dinagdag pa kan jefe ejecutivo local kan ciudad na dakulang tabang
sa mga negociantes an liwat na pag-host kan ciudad kan sinambit na
karawat huli ta an mga delegacion hali sa 13ng region kan
Filipinas na puedeng magvisita pa sa tourist spot sa Naga, Iriga
asin Camarines Sur.
