SABI SA SURVEY KAN MGB
Sagñay, Tinambac peligroso sa landslides
Geo-hazard survey hagad ni Alcalde
Rosito Velarde
DUWA sa walong mga banwaan sa Camarines Sur asin Ciudades kan
Naga asin Iriga na inagihan na kan geo-hazard survey na
pigconducir kan Mines and Geosciences Bureau (MGB) kan nagtalikod
na taon an pigconfirmar na peligroso sa mga landslides asin tubig
baha, sabi kan oficial kan sinambit na agencia.
(Photo
Caption)
MT.
ISAROG. Bakong activong mayon alagad puedeng maging “potential
active” susog sa pag-aadal kan Mines and Geoscience Bureau.
Napapalibotan kan mga banwaan kan Tinambac, Calabanga, Ocampo,
Pili, Goa, Tigaon asin Ciudad nin Naga. (retrato cortesia kan
Google sa paagi kan EDP Office kan City Hall)
Sa entrevista kan Bicol Mail ki Ms. Arlene Dayao, supervising
geologist kan oficina regional kan MGB sa Bicol piglinaw kaini na
sa 48ng target kan saindang ginigibong hazard mapping sampolo pa
sana an saindang natatapos kan nagtalikod na taon asin 38
nakatalaan ponan ngonian na taon nganing ipadagos an geo-hazard
survey.
An duwa sa mga pig-ngaranan niyang mga banwaan iyo an Sagñay
pasiring sa Tiwi, Albay asin an Tinambac na igwa nang nangyaring
landslides may sarong taon na an nakaka-agi. An iba pang mga
banwaan na natapos na ninda an geo-hazard survey iyo an Magarao,
Pili, Ocampo, Tigaon, Sagñay, Baao, Nabua, Bula, asin ciudades kan
Naga asin Iriga. Kabali pa sa mga delicado iyo an pito sa 11ng mga
banwaan kan Catanduanes.
An nagkapera sa porcion kan Mt. Isarog sa mga banwaan kan Ocampo,
Tigaon asin Ciudad nin Naga asin Iriga an peligroso na sa mga
landslides. An Barangay kan Panicuason kan Naga
