---

Dating NPA, binadil gadan kan mga rebelde

RAGAY, Camarines Sur - Sarong rebel returnee asin naglaog na bilang miembro kan CAFGU an binueltahan man giraray kan dati kaining kaibahan kan badilon sagcod na magadan sa atubangan kan saiyang residentes sa barangay Panaypayan kan Martes na hapon.

An victima pigbisto kan Ragay Municipal Police Station na si Oscar Alcantara, activong miembro kan CAFGU na katabang kan militar sa campania sa insurgencia sa sinambit na banwaan.

Nagkaperang bala nin calibre 45ng revolver an sinapo kaini kan likidaron kan nasa anom na miembros kan NPA.

Nag-provar pa kutang maglaban an victima, alagad na-enotan na kan pigtutubodan rebeldeng NPA mientras na dati nang pigsusubay-bayan nganing maseguro na matumba an victima.

Sa investigacion kan policia mayo man sindang ibang naheheling na angulo asin motivo iyo an pagbalik loob kaini asin kasurog na kan militar laban sa mga rebelde.