---

Cagrit nin Cowaw

“Na cagrit an Cowaw sa tahaw can nariribongan na sosyodad,
Na cagrit ta nagimata, napokawan, asin nariribaraw.
Na cagrit nin hule sa gawi can mga nagpapasaway,
Cagrit matapos na mag-atid-atid sa mga isyus can aldao”


Cha Cha

Cha Cha an paboritong sayaw ni Ate Glue, Tabako, asin Joe de Bola
Kaya siribot-sibot sa mga lakdang na minalikom nin dakul na suporta.
An mga paslo asin para-aprobetsar man na mga ka-alyadong politico
Pirmi nang ma-oyon ta sinda makikinabang asin madanay sa puesto!

Envez na magkasararo, asin toltol na pag-governar an pagtarabangan.
Imbis na maghingoha na an economia mapa-asenso para sa kagabsan.
Imbis na magkasiribot na mga servicio publico paorogon asin hiwasan.
An pig-aatupag can gobierno Arroyo iyo an Cha Cha na mayong ka-aabatan!

Bako an sistema political an may diperencia kundi an mga nagpapalakaw.
Bako an Constitucion an ribayan kundi
an mga may pogol nin puestong haralangkaw.
Bako an Cha Cha an kaipohan can mga nakakagurutom, asin nagtitios na Pilipino.
Kundi mga programang matao nin pagbuhay, pagkakan, asin trabajo sa mga tawo!