P358.1-M budget aprobado na kan
SP
MATAPOS an harahalawig na debate kan mga miembros kan Sanggunian
Panlungsod kan Ciudad nin Naga na-aprovaran na an P358,184,782
2006 annual budget sa session regular kan Enero 23, 2006.
Mas halangkaw nin 40 milliones pesos an prosupuesto kun
icocomparar kan taon 2005 annual budget mientras na igwang income
beginning balance na P14,183,880.00, sa tax revenue -
P282,207,144.00, sa operating and miscellaneous reserve -
P20,171,000.00 asin sa income economic enterprises P41,822,750.
An pangako kan oficiales local na matao nin 8 por ciento nin
dagdag na sueldo ngonian na taon, dai kabali huli ta pighahalat pa
an guidelines mientras na sagcod sa ngonian dai pa aprovado an
2006 national budget.
Sinabi ni Consejal John Bongat chairman kan committee on finance
and appropriation na ma-aprovar nalang sinda nin supplemental
budget sa pag-implementar kan dagdag na sueldo kan mga empleados
kan City Hall.
Si bise alcalde Gabby Bordado, presiding officer kan sanggunian
nagsabi na kabali sa pigtagamahan nin award-awad na fondo iyo an
mga programa sa educacion, salud, infrastructure project. An
maogmang bareta sa mga empleados na haloy nang nag-agi sa
selection board para sa 32 na vacanteng puesto an nakatalaan na
nosnosan an saindang nombramiento ni alcalde Jesse M. Robredo.
An personnel services iyo an may pinakadakulang prosupuesto
cantidad P139,011,253.52, sa none office - P116,224,482.00, sa 20%
Economic fund - P38,973.511 asin sa maintenance, other operating
expenses - P47,380.135.
Naglalaom man an Sanggunian Panlungsod na mayo nang problema sa
inaprovaran na annual budget asin yaon na sa lamesa kan jefe
ejecutivo local an pagnosnos kaini nganing iyo an sunodon ngonian
na taon.
