---

Appropriation committee pugol pa ni Andaya

SI Congresista Rolando Andaya, Jr. kan premirong distrito kan Camarines Sur magpapadagos kan chairmanship kan appropriation committee sa Camara-Baja sagcod na dai pa siya na-nonombrahan bilang DBM Secretary.

Sinda Andaya asin Joey Salceda kan tercer distrito kan Albay, igwang kasundoan sa term sharing kan appropriation committee na kun masusunod dapat ngonian na bulan si Salceda na an matukaw sa chairmanship kan sinambit na committee.

Alagad mamundo sa diputado kan tercer distrito kan Albay huli ta aram niya na kun dai manombrahan ni Presidente Gloria Macapagal-Arroyo si Andaya sa puestong DBM Secretary puedeng magpadagos sa appropriation committee.

Napag-araman na dai interesado si Andaya na maging DBM secretary huli ta habo niyang mawaran nin representante an premirong distrito kan Camarines Sur sa Camara-Baja.

Sa entrevista kan DZRH Manila ki DBM secretary Romulo Neri, sinabi kaini na mantenido siya sa kaparejong puesto ta dai man ngani confirmado kun matutukahan si Andaya na magribay sa saiya.

Si Finance Secretary Margarito Teves nagsabi kun siya an hahapoton dapat dai muna iimplementar an plano ni GMA na balasahon an mga miembros kan gabinete orog na sa grupo kan economic managers na kabali si Neri.

Pig-oorgullo ni Teves na sa presenting composicion kan mga economic manager nakatabang sa Arroyo Romulo Neri, sinabi kaini na mantenido siya sa kaparejong puesto ta dai man ngain confirmado kun matutukahan si Andaya na magribay sa saiya.

Si Finance Secretary Margarito Teves nagsabi kun siya an hahapoton dapat dai muna iimplementar an plano ni GMA na balasahon an mga miembros kan gabinete orog na sa grupo kan economic team na kabali si Neri.

Pig-oorgullo ni Teves na sa presenting composicion kan mga economic team nakatabang sa Arroyo Administration nganing mapa-angat an economia kan nacion mala ngani padagos an paglangkaw kan valor kan peso contra sa dolyar.

An nagkapera sa mga staff ni Andaya an nagpahayag na dai pang aseguracion kun aakoon niya an puestong DBM Secretary, alagad an congresista nagsasayuma magcomentario kun saiya nang susunodon an gentleman agreement na term sharing.

Dai man marealisar an ambicion ni Salceda sa sinambit na committee, siya puedeng tawan nin cabinet position ni President Arroyo sa pagtapos kan saiyang ika-tolong termino sa 2007.