---

Cagrit nin Cowaw

“Na cagrit an Cowaw sa tahaw can nariribongan na sosyodad,
Na cagrit ta nagimata, napokawan, asin nariribaraw.
Na cagrit nin hule sa gawi can mga nagpapasaway,
Cagrit matapos na mag-atid-atid sa mga isyus can aldao”


Dios Ko Po!

Mawot daa can Dios na magdanay pa siya bilang presidente, an sabi ni Gloria.
Para sa karahayan daa can Pilipinas asin an namemeligro kaining democracia.
Mawot man daw can Dios na an mga kritiko ni GMA umontok na sa pagbaratikos?
Mawot man logod can Dios na an mga kaguluhang ini maresolveran na man tolos!

Mawot man logod can Dios na magluwas na an katotohanan sa mga sahot
na darayan sa naka-aging national election.
Mawot man logod can Dios na kumanta na si Garci can tamang cansyon!
Mawot man logod can Dios na mapondo na an jueteng, smuggling,
asin katakot-katot na korupsyon!
Mawot man logod can Dios na togotan an
First Gentleman ma-exile sa Iraq nin halawig na panahon!

Pero, mawot man daw can Dios an padagos na pag-intimidar sa prensa,
TV y radio?
Mawot daw can Dios na padagos an warrantless arrests,
asin pagbuwag can mga nagproprotestang militanteng grupo?
Mawot daw can Dios na dae magtaram an mga opisyales,
asin taguon an totoo,
Sa mga investigationes arog can fertilizer scam
asin Venable contract sa Senado?

Sa hona mi,
An mawot can Dios iyo an matanos
asin honestong padalagan can satuyang gobierno
Can mga tawong pinili sa milinig na borotohan,
asin iguang mandato can mga tawo!
An mawot can Dios iyo an tranquilidad, asin pagkasararo,
para an Pilipinas umasenso.
An mawot can Dios an sarong sacripicio:
arog can paghilig sa napopogolan na puesto