Contra
Lafayette liwat naglansar protest rally
CIUDAD
nin Legaspi - Kun dai nag-gigirong ngonian an gobierno provincial
kan Albay contra sa operacion kan Lafayette mining corporation,
alagad an militanteng grupo dai nagtuturog nganing ipadagos ninda
an pag-ulang kan operacion kaini huli kan efecto sa kapalibotan.
Kasuodma an militanteng grupo contra sa Lafayette naglansar nin
protesta sa atubangan kan oficina regional kan Department of
Environment and Natural Resources (DENR) huli ta posibleng
piglilisya sana sinda na dai man pinapundo an operacion.
An protest rally suportado kan mga residentes kan Rapu-Rapu, Albay
na igwa na nganing mga residentes an na-afectaran an saindang
salud.
An panindugan kan DENR dai sinda matugot na bukasan an operacion
sagcod na dai nacocompleto an mga papeles na maprotehir kan
kapalibotan. Kasuodma napag-araman kan contra Lafayette na planong
ibalik sa normal an operacion kaya ngani balik naman sinda sa
tinampo sagcod na pig-pukawan nin atencion an DENR.
