SABI KAN DILG
ULAP an macampania sa people's initiative
CIUDAD
nin Legaspi - An Union of Local Authorities of the Philippines (ULAP)
iyo an ma-iniciar kan signature campaign sa pagpalakop kan
people’s initiative sa mga barangay mientras na saindang
pigsusuportaran an charter change kan Arroyo administration.
MACEDA
Nagka-igwa na nin mga miting an ULAP sa Manila sagcod na
naglangtad sinda na matulod kan charter change sa tahaw kan
pag-oponer kan mayoriang miembros kan senado sa pag-enmienda kan
1987 constitution.
Ini an piglinaw ni DILG regional director Blandino Maceda huli ta
an ibang mga oficiales local nagtutukdo na an saindang agencia iyo
an dapat mangenotan sa campania sa people’s initiative.
“Advocacy sana an DILG asin ma-monitor kan gigibohon na mga
asemblia sa pagpaliwanag kan people’s initiative na icoconducir
kan mga oficiales local sa tabang kan mga oficiales de barangay”,
sabi pa ni Maceda.
An ULAP an mga miembros kaini componido kan mga liga nin mga
gobernador, bise gobernador, alcalde, bise alcalde, consejales,
sagcod sa mga capitanes de barangay.
Napag-araman na igwang ibang mga alcalde an habong maglantad sa
campania sa people’s initiative posibleng huli sa politica kaya
sainda man na pigtutukdo na ini trabajo kan mga taga DILG.
Sa maabot na Marzo 25, 2006 iyo an pagconducir nin mga barangay
assembly na pigmamando kan Local Government Code na kaipuhan
magreport an oficiales de barangay asin individual na comite
nganing maaraman kan residentes kan saindang barangay an mga
nahaman na programa asin dapat gibohon.
Ipinahayag pa kan director kan DILG Bicol mag-dedefende sa
oficiales de barangay kun sainda pang ibabali sa agenda an
signature campaign huli ta an target kan ULAP taposon an people’s
initiative sa Marzo 31.
Kan maconduciran nin entrevista kan Bicol Mail si alcalde Mel
Gaite kan Baao, Camarines Sur asin pamayo kan LMP Camarines Sur
chapter pigconfirmar kaini na maarabotan na sa Camarines Sur an
forma sa signature campaign tanganing ponan na digdi sa provincia
huli ta an programa kan Congreso taposon ini ngonian na Marzo 2006
asin an plebisito sa Junio 2006.
Pig-paarapod na ni Gaite asin kan DILG an mga capitanes de
barangay sa saindang banwaan alagad an iba nagsasayuma na
magcampania sa people’s initiative, si habo dai pipiriton asin
mahanap nalang sinda kan nagsusuporta sa signature campaign, sabi
pa kan pamayo kan LMP.
