Andaya juespe de honor sa Palarong Bicol
Si
dating congresista asin ngonian DBM Secretary Rolando Andaya, Jr.,
iyo an magiging juespe de honor sa pagbukas kan Palarong Bicol
2006 sa Marzo 19, na gigibohon sa Metro Naga Sports Complex sa
Barangay Pacol, Ciudad nin Naga.
Si Alcalde Jesse M. Robredo nagsabi na andam na an local na
gobierno asin an Department of Education (DepEd) sa Palarong Bicol
na paparticiparan kan anom na provincias asin pitong ciudades kan
kabikolan asin si Andaya iyo an napili na maging visita sa
pagbukas kan karawat.
An mga atleta hali sa mga provincias asin ciudades kan region
cienco an nagpahayag na preparado na an saindang delegacion sa
sarong semanang competicion na mapoon sa Marso 19 asta 25, 2006.
Pigsugo ni Robredo an City Engineer’s Office na i-andam an gabos
na mga sports facilities mientras na igwa na sanang 18 dias antes
kan pagsikad kan Palaro.
An sports complex sa Barangay Pacol nagkaperang veces nang ginamit
sa mga Palarong Bicol asin sa gigibohon na Palarong Pambansa ’06
magiging presentador giraray an ciudad.
An DepEd an nagpili na kan mga bellitting center na oocuparon kan
13ng delegacion digdi sa Bicol na nakawarak sa mga pagtaraid na
banwaan kan Naga.
Dakulang tabang sa mga negociantes nin Naga an sinambit na karawat
asin susunodan pa kan Palarong Pambansa ’06 na gigibohon sa Mayo 7
asta 13, 2006 huli ta dakul an mga visita na malaog digdi sagcod
na kan mga domestic tourist.
