Belza dai na makikiaram sa
ngaran kan Alfelor highway
Buhi,
Camarines Sur – Naghuyom na sana si Alcalde Diones Belza kan
hagadan nin reaccion kan mga prensa dapit sa naenot na decision ni
Diputado Felix “Nancing” Alfelor na ribayan nin pangaran an
Boncodin Highway sa ngaran kan saiyang dipuntong ama na si
Gobernador Felix Alfelor, Sr.
Segun ki Belza, dai man dapat ngalasan an lakdang na ini kan
Congresista huli ta aram kaini na dai itinutugot kan National
Historical Commission an pagpangaran kan sarong proyecto sa sarong
persona na dai nagin oficial kan Gobierno arog kan dipuntong
Esteban Boncodin, ama kan dating Sekretarya kan DBM na si Emelia,
taga Iriga.
Sinda Alfelor asin Boncodin dating liputok an iribanan alagad
biglang nag-labnaw poon kan mag decision an secretaria na mag-iba
sa causa kan grupong pig apod na “Hyatt 10” na tuwadan si Madam
President GMA huli kan dinarang iskandalo kna “Hello Garci” issue.
An 61 Kilometrong proyecto makonektar kan Buhi asin Malinao, Albay.
Maagi sa limang mountain barangay sa Iriga siring kan San Ramon,
Sta. Maria asin San Pedro, Niño Jesus asin Sagrada derecho sa
Hanawan junction sa banwaan kan Ocampo ini igua na nin inicial na
25 milyones na fundo hali sa DBM. (Romeo Olea)
