---

`Cagrit nin Cowaw

“Na cagrit an Cowaw sa tahaw can nariribongan na sosyodad,
Na cagrit ta nagimata, napokawan, asin nariribaraw.
Na cagrit nin hule sa gawi can mga nagpapasaway,
Cagrit matapos na mag-atid-atid sa mga isyus can aldao”


Graduation

Sarong luha an tuminoro mantang pigmamasdan
an nagpapasong daraga na nakasol-ot nin togang puti.
Silencio an mga ngabil pero pano-pano an
puso nin pasasalamat sa Kagurangnan tang Dios.

Sa banggi nin pagtatapos, nagiromdoman an enot
na aldao na kilik-kilik ini pagla-og sa escuelahan.
Mantang higot an pogol sa abaga can mga camot
na saradit pa an mga guramoy.

Ngonian, derecho asin mabagsik an saiyang paglacaw.
Garo gamgam na nakanood magwasiwas can mga pakpak.

Sa pagtapos can sarong kabtang, mapoon naman an sunod na istorya.
May halong kaogmahan asin paghadit na
nakamasid habang nagpapa-aram sa saiyang mga pag-iriba
sa tataghan na haloy nindang pig-erokan!