NAPADALI sa puesto si Chief Supt. Ricardo Padilla kan magpaluwas nin orden si PNP Chief Director General Oscar Calderon na riribayan na siya ni P/Chief Supt. Pedro Tango sa gigibohon na simpleng turn-over of command ngonian na aldaw.

        Nabigla an mga PNP Provincial Director sa Kabikolan mientras na dai palang nahahaloy si Padilla sa Camp Simeon Ola, na nag-asumir kan Deciembre 28, 2006 igwa na tulos orden na riribayan na.

        Nagwalat man in acomplisimiento an paluwason na jefe kan Bicol PNP kan saiyang ipasakyada an mga gugoan kan sugal na jueteng sa Camarines Sur asin kabali sa sinakyada iyo an nasa Libmanan, Bato asin Nabua.

        Kun dai pa siya nakarecibe nin orden na sisipaon na digdi sa rehiyon cienco dai pa mapaheling na kaya niyang mapapundo an ilegal na sugal na jueteng.

        Poon kasuodma an centralisadong operacion kan sinambit na sugal sa Camarines Sur, Albay asin iba pang provincia kan kabikolan an nagpahingalo mientras na paluwason na an Bicol PNP Chief.

        n informante kan Bicol gikan sa PNP Provincial Office an jueteng mabalik sa normal an operacion dawa sa pagtukaw kan bagong regional director huli ta igwa man ining pagtugot sa mga darakulang politico huli ta panahon nin eleccion.

        An sinambit na sugal nabuhay palang sa Camarines Sur tulong semana an nakaagi, alagad sa provincias kan Albay asin Camarines Norte dai napapundo tulos an operacion kan ilegal na sugal.

        Si PNP Provincial Director Sr. Supt. Romeo Mapalo kan Camarines Sur dai naman nakagirong kan biglaan na pagka-gadan naman kan ilegal na sugal.