Libmanan, Camarines Sur – Nagkasundo na an Salcon Power Corporation (SPC) asin an Camarines Sur I Electric Cooperative (Casureco I) nganing an manijamiento kan cooperativa kapotan kan privadong investor sa paagi kan investment management contract (IMC) alagad an NEA iyo man sana an nag-uulang sa paagi nin pang-iipit nganing dai ninda ma-aprovaran an contrata sa IMC.
Sainda nang na-finalisar an contrata kan nakaagi pang Septiembre 30, 2007, pinapadisganar pa an Casureco I na magpadagos kan contrata sa tahaw kan pigmamawot na madagos na an IMC huli ta bangkaruti na an manijamiento mala ngani dai na nababayadan an Phpl20 milliones na moroso sa National Transmition Corporation dawa na nagka-igwa nin restructuring.
Pigbuyagyag ni Board President Erwin Dilanco na an NEA iyo man sana an nagpapadificilan nganing dai madagos an contrata mientras na igwang pagduda an manga cooperativa nin corriente na kun maging marhay an pagpadalagan kan privadong sector tibaad maglaog naman an ibang cooperativa sa IMC asin mayo nang masasakopan an NEA na posibleng an agenciang ini dagos nang tunawon.
An NEA iyo an may supervision asin control sa ll9ng mga cooperativa sa nacion kun kadakli kapot na kan IMC babayaan an NEA kaya an peligro na matunaw an agenciang ini dai nahahali sinda iyo an may poder na mag-aprovar o magbasura kan contrata sa IMC..
Kabali sa enot na manipulacion kan NEA iyo an pagpadisganar sa manga cooperativa nin corriente na dai magpa-registro sa Cooperative Development Authority nganing maging stock cooperative. An accusacion contra sa sinambit na agencia na ginigibo kaya nin gatasan kan ibang manga oficiales kaya surang sinda sa sa conversion pasiring sa stock cooperative.
Pighagad na kan SPC sa Department of Energy (DOE) na maghaman nin guidelines sa paglaog kan privadong investor mientras an saindang time table liwat naman pigtalaan sa Deciembre 2007. Kan taon pang 2005 natapos an subasta ginana kan SPC ngonian naghahanap nin kaulangan na dai madagos an IMC sa Casureco I iyo na an NEA, sabi pa kan pamayo kan junta directiva.
Hadit na an manijamiento kan cooperativa ta tibaad putolan sinda nin servicio nin corriente kan TransCo mientras na an sainda na sanang nababayadan iyo an 20 milliones pesos na current electrict bill, alagad mayo nang pambayad sa restructured na utang na dapat 3.6 milliones pesos cada bulan.
An NEA nag-oopresir sana nin 30 milliones pesos mientras na an SPC nagtaya na nin 6l milliones pesos na capital asin madugang pa nin pambayad sa moroso sa TransCo.
Sa ngonian hababaon an collection efficiency kan cooperativa mala ngani kan Agosto 2007 nagsakat sana sa 64 por ciento asin kan Septiembre 2007 nasa 8l por ciento sana kaya dificilan nang makabangon sa ngaran na financial, sabi pa ni Dilanco. Sa systems loss nag-abot na sa 24 por ciento na kun haen nalulugi an manijamiento nin dos milliones pesos cada bulan.
An solucion kuta na an pagpalalangkaw kan singil sa tarifa, kan taon pang 2004 an peticion sa Energy Regulatory Commission sagcod sa ngonian mayo pa nin accion. An dugang na tarifa iyo an pueding makaresolver kan kalugihan alagad dai man ina-aprovaran kan ERC.
