Pili, Camarines Sur -- Nagdeclara tulos nin estado nin calamidad an Capitolyo Provincial kan Camarines Sur kasunod kan manga tubig baha sa nagkaperang manga banwaan huli kan active low pressure efecto kan haros tulong aldaw na pagbulos nin uran poon kan Viernes asta kan Domingong maagahon.

        Si bise gobernador Salvio Fortuno nagsabi na nagpa-apod nin special session kan Domingo (Noviembre 28) sa junta provincial si gobernador L-Ray Villafuerte nganing magdeclara nin estado nin calamidad huli kan manga tubig baha sa manga banwaan na piglantopan nin tubig arog kan Bombon, Magarao, Canaman, Baao, Nabua, Ciudad nin Iriga asin si iba pang manga banwaan sagcod na sa premir asin tercer distrito kan Camarines Sur. Alagad sakop kan declaracion iyo an enterong provincia nin Pili, Camarines Sur- Nagdeclara tulos nin estado nin calamidad an Capitolyo Provincial kan Camarines Sur kasunod kan manga tubig baha sa nagkaperang manga banwaan huli kan active low pressure efecto kan haros tulong aldaw na pagbulos nin uran poon kan Viernes asta kan Domingong maagahon.

        Si bise gobernador Salvio Fortuno nagsabi na nagpa-apod nin special session kan Domingo (Noviembre 28) sa junta provincial si gobernador L-Ray Villafuerte nganing magdeclara nin estado nin calamidad huli kan manga tubig baha sa manga banwaan na piglantopan nin tubig arog kan Bombon, Magarao, Canaman, Baao, Nabua, Ciudad nin Iriga asin si iba pang manga banwaan sagcod na sa premir asin tercer distrito kan Camarines Sur. Alagad sakop kan declaracion iyo an enterong provincia nin Camarines Sur.

        Kadakli kan nadanyaran kan baha iyo an kaomahan na an kadakli nakatalaan nang anihon mientras na afectado man si ibang mga escuelahan sa public school na gagamiton kuta na bilang voting precent alagad nagbalyo na sana nin edificio ngani sanang madagos an eleccion.

        Kan magpasar nin resolucion an junta provincial an oficina kan Department of Agriculture mayo pang sinusumiter na damage report sa lado nin agricultura

        Huli kan tubig baha duwa an binawian nin buhay sa Camarines Sur asin saro sa Ciudad nin Naga. An victima si Manuel Gurobat kan Pinit, Caramoan, CSur huli sa landslide asin saro pang 8 anyos na dai paman pig-ngaranan mientras na sarong menor de edad an nagadan sa lamos na taga barangay Concepcion Pequena.

        Si vocal Angel Naval, chairman kan appropriation committee kan junta provincial nagsabi na huli ta sa bilog na provincia an resolucion dai na kinakaipuha na mag-declara man nin estado nin calamidad an manga LGUs..

        Iba man an opinion ni vocal Emmanual Llaguno na mas marhay man giraray an local na sanggunian magpasar nin kaparejong resolucion nganing mayong cuestion legal sa pagpaluwas nin fondo kan municipio.

        An resolucion sa estado nin calamidad kan Capitolyo dai man sinabi kun pera an gagamiton na fondo hali sa fondo nin calamidad kan gobierno provincial.