Kun sa totoong pangaran dai mamidbiran, tibaad sa bansag o “alyas” masumpungan.

        Iyan an uso sa barangay Balatas na sakuyang pinag-iirokan. Kadaklan an igwa nin bansag o “alyas” na tood magpalahos kun nasusugutan.

        Arug ni Bitoy Nebrea, an bansag “Dupit”. An palahos: “Gupit”, sabay an ngirisihan sagkod nag-iirinuman.

        An tunay na pangaran: Felix San Juan. An bansag o “alyas”: “Indian”; Paulo Francisco, “Itik”; Caloy Broqueza, “Mangilo”; Feliciano Senosin, “Bombay”; Mino San Buenaventura, “Binayaan”; Kikoy Cayao, “Adobe”; Benny Austero, “Attorney”; Alejo Yocampo, “Balatong”; Inggo San Juan, “Hararom”; Vivencio Paron, “Dolyar”; Isabelo Montero, “Aliman”; Caloy Alejandre, “Hapon”; Lucio Enriquez, “Lemonsito”;

        Efren San Joaquin, “Sinuman”; Tatong San Juan, “Almario”; Badong Morales, “Kino”; Crispin Milano, “Doktor”; Inzo Mendoza, “Rapitak”; Manding Bolima, “Adorable”; Inggo de Jesus, “Kamang”; Roy de la Paz, “Gapo”; Enold Borason, “Manok”; Ruben San Pascual, “Dwende”; Toman San Juan, “Soldot”; Benny Pador, “Padi”; Nelson Eleanir, “Manay”;

        Dionisio Francisco, “Kamagong”; Cardo Raymundo, “Malumoy”; Efren Vibares, “Kupsit”; Ben Raytana, “Pinangat”; Oscar San Joaquin, “Turotoro”; Rolando Corbito, “Dodo”; Efren de los Santos, “Balaw”; Berto Milano, “Halipot”; Ramon Alejandre, “Bulaw”; Pablo Mapa Jr., “Pati-anak”; Benito Sanone, “Bilibit”; Gregorio Among, “Doklit”; Crisanto Monforte, “Samba-samba”; Pemyo Reanto, “Pakal”; Jun Rodriguera, “Marigoso”;

        Celso San Juan, “Bangga”; Pantaleon San Juan Jr., “Angkukulam”; Baring San Juan, “Calagman”; Ireneo Roblas, “Obispo”; Seming Alejandro, “Santo”; Badong Balilo, “Kalilya”; Leonardo Eduarte, “Tagilid”; Dencio Jeremias, “Biniribid”; Bongbong Baldosa, “Bukayo”; Ely Cañeso, “Tarzan”; Edro Mariano, “Tutong”; Ed Inocencio, “Manada”; Gonzalo San Juan, “Sagbat”; Abling Masbate, “Sanggot”; Romeo Vasquez, “Balhag”; Jose Raymundo, “Luno” asin Raul Dollentas, “Kalabasa”!

        An mamahalon na “Ibon” o gamgam kan padi, nawawara. Dai maipublikar asin dai mai-advertize na diretso ta tibaad magkaigwa nin interest an publiko: tibaad kun makua, dagos nang itago asin dai na ipuli.

        An naisip sabihon na sana sa sermon ta aram kan padi na honesto an saiyang mga parokyano. Alagad an problema kun pano an paghapot sa mga tawo: kun ano an gigibohon na apod na bansag sa “Ibon”?

        Sa sermon kan padi arug kaini an hapot na ginibo:

        Si-isay saindo an igwa nin “Ibon”?

        Nagtindog an mga kalalakihan!

        Nakamati nin pagkaiskandalo an padi. Pinatukaw an mga lalaki asin naghapot giraray:

        Si-isay saindo an nakahiling na nin “Ibon”?

        Nagtindog an mga kababaihan!

        Orug na nakamati an padi nin pagkaiskandalo. Pinatukaw an mga babae asin liwat naghapot:

        Si-isay saindo an nakahiling na kan sakuyang “Ibon”?

        Nagtindog an mga madre!