 |
|
|
ni Aida B. Cirujales
ni Aida B. Cirujales
Tigsik ko an mga pasaway na eskuela,
Na pastidyong marhay sa mga maestra.
Daing nanonodan sa mga leksyon ninda,
Ta sige sanang sirot mga madaldalon baga.
Tigsik ko an ibang maestra,
Sa konsumisyon sa pasaway na eskuela.
Dai man makalatob, pero sige an muda,
Haros mapatudan ugat, sa kasasaway sana.
Tigsik ko man ining sarong prinsipal daa
Na ganid man na marhay sa kuwarta.
Ta pati sa ID kan sa Kinder na eskuela,
Gusto pang makiheras sa delihensiya.
Tigsik ko ining piling nikit,
Dawa maitumon kaini an unit,
Abang siram man kan namit
Sa ngonian, garo ka nasa langit.
Tigsik ko an mga daragang magayon,
Dai magpaagom sa lalaking parainom,
Maski guapo, humadok man dai ka girabuhan,
Ta an hinadukan kaiyan, garo kinamangan atol.
Tigsik ko an mga lalaking gadot,
Na an mga tabay, takyag ulpok,
Dakula an tulak, uldot an pusod,
Alagad an sa ibaba kaiyan, ulnok
|
|
|
|
