An familia ni Iglecerio Pernia. alias ka Choy, lider kan CPP/NPA sa Bicol an naghahagad nin consideracion sa AFP asin PNP para sa makataong dahilan na dapat palibrehon nganing ipabulong sa doctor sa kamatian sa puso, alagad inarestar dai lamang tinugotan na madara sa clinica.

        Si Ka Greg Banares, parapahayag kan NDF Bicol nagpaluwas kan saindang press statement sa kahaditan kan kamugtakan nin salud mientras na nagtutubod sinda na posibling pinpapasakitan nin mental asin physical torture sa kamot kan ISAFP si Ka Choy.

        Siya iyo an secretary kan Albay Provincial Party Committee asin Bicol Regional Party executive committee asin NDFP consultant, na-arestar kan mga agentes kan militar asin polis sa report ninda sa laog kan Sta. Maria Cockpit Arena sa Barangay Poblacion, Sta. Mesa, Bulacan kan Enero 9, 2008.

        An NDF Bicol magcocondenar kan pagkaka-arestar ki Ka Choy huli ta ilegal an ginibo mientras na lunad sa sasakyan nganing magpabulong sa doctor huli sa helang sa puso asin hypertension inarestar kan mga agentes kan awtoridad envez na madara sa pinaka-haraning hospital o clinica.

        An mga awtoridad nagsabi na si Ka Choy wanted sa casong arson asin multiple murder na pendiente sa sarong corte sa Albay.

        Si Regional Director Chief Supt. Errol Pan kan rehiyon tres nagsabi na an Department of Interior and Local Government asin Department of National Defense nagpakong on million pesos na reward sa pagkakadakop sa lider kumunista.