Aram ko na igwang bagong nangyayari sa buhay ko asin ini an pagtukdo, pagtukdo sa mga aking namundag sa parehong henerasyon, henerasyon na nagmamawot kan pinakabagong cellphone, pinakamarikas na computers asin laptop, henerasyon na dai na istranghero pag-abot sa mga iskandalo puon sa pulitika sagkod sa sex videos, puon Aparri sagkod Jolo. Sa pagtukdo ko ngonyan nasasabotan an magkapirang bagay mapapadapit sa buhay, sa paghiras, sa pagdangog asin sa pagtao nin kun ano man an yaon sakuya. Asin sa sakuyang mga pigtutukdo, an Creative Writing Class, an pinakadakulang a地gat dawa sabihon kong may mga a地gat man sa ibang klase.

        27 estudyante an nasa klase ngonyan kadaklan babayi, magkapirang lalaki (kadaklan bakla), duwang kurso sana sinda hali, mga English majors asin mga Education na sa hiling ko gabos man mabagsak sa buhay nin pagtukdo o 礎aad magpadara man sa sulog kan call centers o kaya magpa-Dubai. Sa mga estudyanteng ini nahihiling kada Martes asin Huwebes, puon ala-sais nin banggi sagkod ala-siete y media, nangyayari an kadakul na pag-a地gat, paglamuda asin pagpuga tanganing itulod sinda sa pagbasa na aram ko kadakul sa mga aki asin mga paratukdo ngonyan an nasasakitan na magbasa, nasasakitan na maghorop-horop nin huli sa pagkaribaraw sa iba pang bagay apwera sa pag-adal, apwera sa paghanap nin iba pang liwanag sa luwas kan klasrum. Hugak asin hakay na garo baga gabos sana naghahalat kan flag retreat asin kan suweldo sa kinsinas an nangungurog na disposisyon sa satuyang mga eskwelahan na sa hiling ko kaipuhan pang magkaigwa nin odok na pagkamoot sa pagtukdo na mismo na nahihiling ko man na dakulang a地gat para sa sakuya. Kun paano napagsasabay an pagtukdo asin pagsurat, marahay na an siring na mga bagay napagkakasundo asin igwang parehong dagang pigtitindogan, dakulang tabang ini sa sakuya.

        Sa Creative Writing Class ko namamatian an kadakulaan nin obligasyon sa pagtukdo nin huli ta namamatian ko na sinda man an masunod sa torno kan kadaklan satuya. Makatakot an nangyayaring intellectual bankruptcy sa satuyang akademya, na mangalas kita kun anong nangyari sa sampulong taon na pag-adal kan mga aking ini na ngonyan yaon na sa kolehiyo. Alagad minsan siring, igwang ra地ga an pagtukdo asin ini kun igwang mga estudyante na nagiging bagong mga almasi, na mahihilingan mo nin paglaom na dai man giraray nagpapabaya an uniberso sa satuya asin sa magkapirang ini, buot kong ihiras an duwang rawitdawit kaining mga estudyanteng ini na kinahilingan ko man nin liwanag, nin pagmawot na magsurat asin nin huli ta napuruon pa sana (minsan ngani mga gurang na, arog pa man kaini) an mga temang pinipili masasabing orog na naglaladawan kan saindang buhay-kamugtakan. An enot na rawitdawit sinurat ni Jerome Hipolito na taga- Tinambac asin mahihilingan an aking ini nin mga klase nin Bikol na dayupot pa sa suanoy na panahon, mahiwas an bokabularyo kan aking na nagdakula sa banwaan nin mga parasira sin para-oma, kaya nahihiling ko an kapasilan para saiya na magbalik, magsalingoy sa paagi nin pagsurat. Basahon ta an rawitdawit ni Jerome na Pagtanaw sa Nagdudu地gaw: Dinu地gaw taka sarong aldaw/Dai mo ako niriparo/Nginisihan taka pa ngani/alagad nangungurusdot ka baga/Inisip ko na lang/Iba ka kaya sa sako/Dangan tinuruhukan ta ka sa mata/ Sa paghuna na supog ka sana man na maghadoy/ Alagad napurisaw/ kan narisa ko an malunsi mong pandok/ na sa pagmati ko/ kagibo kan demonyo/tulos akong buminalik sa pagrinibong-ribongan/daing rason nganing maomayan. Sa mga bersong ini ni Jerome mahihiling ta na an pagmawot na magpahayag o ipahiling an ssarong momento, alagad siring sa kadaklan na naisurat na niya asin pigtukar mi sa klase, igwang bakong malinaw na parte, na ideya o kapahayagan, na bako man ambiguity alagad dai sanang saktong paggamit nin imahe na mahihiling sa tataramon. Mapapakarhay pa ini lalo kun mas odok na hihilingon kan parasurat an saiyang materyal asin tatawan niya ini nin personal na paghiling nin huli ta an tono nin rawitdawit igwang suhestiyon na pasiring sa direksyon nin personal na rebelasyon. Nakatiwangwang an huring linya kan rawitdawit ni Jerome na iyo nagtatao nin kabilugan sa rawitdawit alagad siring sa mahiwason na daga (potensyal kan tula) magayon mo ining hinihiling, na pwedeng mamatian kan parabasa an kahiwasan o an paghihihinayang sa huring linyang isinurat ni Jerome. An kaluyahan na ini ni Jerome, iyo an malinaw na kusog ni Grace De La Guizon sa saiyang halipot na rawitdawit mapapadapit sa pagburat: Abang kusog kan boot/ Inuman daa paaragahan/ Kaiba dawa sisay na katagayan.//Alagad pag-abot, kuripas sa banyo/ Sibot/ Nagkukurag段t si demonyo paluwas/ sa saiyang ngimop. . (Bahog-Pato). Marahay na imahe na ginamit ni Grace sa saiyang rawitdawit, orog na an huring linya kun sain pwedeng magiromdoman ta an mga eksena nin pagkakan ni Zeus sa sadiri niyang mga aki, alagad sa rawitdawit ni Grace iba an saiyang ginibo, sarong demonyo an nagluwas sa tawong burat. Maribok an rawitdawit na ini asin makusog kaining naipahiling an epekto kan arak minsan ngani dai man ini nagtatao nin suhestiyon na bawal an pag-inom o minsan sinusuportahan an ad na Drink Moderately, na sa sakuya kaluyahan nang gayo an parating magtaong adal, implied lesson kun baga na minasugong kan kakayahan kan parabasa na basahon an teksto. Binabayaan sana kita kan rawitdawit na ini sa sarong paghiling kan saiyang nahiling na garo baga sarong aksidente, banggan asin nakamudong sana kita asin mahalat nin pirang segundo bago an kurag段t, bago an pag-apod kan sirena kan ambulansya. Momento ining nadakop ni Grace asin ini an orog na makusog na rawitdawit sa sakuya, an pagti置rong kan eksperinsya kan tawo, an pagmati sa kurugkudog kan laman, an paghangos kan buhay. Mas orog pa ining mapapakarhay ni Grace asin mararom pa an saiyang bisyon kun pipilion niya an dalan na daing gayong inaagihan.(Dakul pang rawitdawit kan mga estudyante an tutukaron ko sa mga masunod na isyu.)