Naging tagulnod na an Bicol PNP sa campania ni Camarines Sur PNP Provincial Director P/Sr. Supt. Rodolfo Llorca contra sa centralisadong operacion kan ilegal na sugal na jueteng kan mag-orden si Bicol PNP Chief Paterno Bangui sa provincial director na ibalik si mga oficial kan PNP sa Camarines Sur sa dati nindang destino na bestadong dai nag-susuporta sa campania laban sa sinambit na sugal.

        Si Llorca nagpaluwas nin directiva kan Junio 27, 2008 sa nagkaperang mga oficial kan PNP Provincial Office asin Chief of Police na binabalyong destino huli ta dai nag-cocooperar sa campania niya contra sa operacion kan sugal na Naging tagulnod na an Bicol PNP sa campania ni Camarines Sur PNP Provincial Director P/Sr. Supt. Rodolfo Llorca contra sa centralisadong operacion kan ilegal na sugal na jueteng kan mag-orden si Bicol PNP Chief Paterno Bangui sa provincial director na ibalik si mga oficial kan PNP sa Camarines Sur sa dati nindang destino na bestadong dai nag-susuporta sa campania laban sa sinambit na sugal.

        Si Llorca nagpaluwas nin directiva kan Junio 27, 2008 sa nagkaperang mga oficial kan PNP Provincial Office asin Chief of Police na binabalyong destino huli ta dai nag-cocooperar sa campania niya contra sa operacion kan sugal na jueteng.

        Kabali sa pinabawi ni Bangui an orden asin balik sa dating destino iyo sinda P/Supt. Benedicto Pintor, bilang deputy PD na pig-apon kuta sa Iriga City PNP; P/Inspector Aarin Oliquiano, bilang jefe jan 504th mobile group na pig-destino kuta sa Garchitorena PNP; P/Supt. Perfecto de Lima, bilang chief operation officer na pig-destino bilang deputy PD kan PNP Cam. Sur; mga Chief of Police na sinda P/Chief Insp. Eddie Santiago kan Libmanan PNP, na pig-destino kuta sa Lupi PNP; P/Insp. Marianito Almendral kan Pamplona PNP, P/Insp. Danilo Quidit kan Lupi PNP, na pigdestino kuta sa Libmanan PNP; P/Sr. Insp. Ricardo Cargullo balik bilang Sangay PNP, hali sa Garchitorena PNP; asin P/Chief Insp. Elmer Mora, balik na sa Garchitorena PNP, hali sa 504TH mobile group.

        Si RD Bangui an personal na nagvisita sa oficina ni Llorca nganing sugoon sana na ibalik na sa dating mga destino an saiyang mga pig-relieved sa puesto.

         Mayong maginibo an provincial director sunodon na sana an directiva kan halangkaw na oficial kan Bicol PNP ini sa tahaw kan orden man sa saiya ni Gobernador L-Ray Villafuerte na dapat mapuho na an ilegal na sugal na jueteng sa provincial.

        Kan dai pa na-iimplementar an orden kan RD nagka-igwa nin controvercia sa Libmanan PNP huli ta duwa na an jefe de policia sa mga kanya kanyang directivea kan duwang mga ofical kan PNP.

        Si Llorca, enot nang nagpahayag sa media na nagkaperang mga oficial kan PNP sa Camarines Sur an dapat niyang ibalyong destino huli ta salongat sa saiyang campania contra sa ilegal na sugal mientras na dai man nagpapaheling nin cooperacion.

        Igwa pang pagduda na iyo man sana an nag-jujudas sa planong operacion nganing matagalpo an pagsakyada sa gugoan kan sugal.

        Mientras tanto, si P/Inspector Romulo Pabiano, jefe kan PCR kan Provincial Office kan PNP Camarines Sur naglinaw na an katuyohan ni RD sa pag-“nullify’ kan accion ni Llorca sa sinambit na mga oficial para sa karahayan kan comandancia sa provincia, alagad nagpahimotik na ini huli kan controvercia sa dai napapauntok na sugal na jueteng.

        Dai na pigsimbag kun an iriwal sa jueteng iyo an motivo sa orden kan oficial kan Bicol PNP.

        Huli kan paki-aram kan Bicol PNP sa pagbabalasa nin mga oficial kan policia an iba disganado sa liderato ni Bangui apesar na ini yaon na sa trabao kan provincial director.