Bako lang ki star witness Rodolfo Lozada Jr. envez maging sa mga rally kan pro-administration dai ma-misa an arin man na padi kan Arsobispo kan Caceres, kun gusto ninda mag-atendir sa santa misa bukas an simbahan dai kami nag-poprohibir dai sinda pag-misahan, sabi sa mga pahayag sa Bicol Mail ni Fr. Louie Occiano sa ngaran kan diocese.
Ini an panindugan kan simbahan kasunod kan inaatubang ni Lozada na sinasayumahan nang atendiran nin mga padi an mga rally kaini arog kan pinaka-huring incidente sa Cebu kan dai sipoton nin kapadian si misa para sa katutotoanan.
Sinabi ni Occiano na sarong “reminder lang” an ginibo ni Arzobispo Leonardo Legaspi kan Caceres huli ta an misa sarong sagradong bagay dai dapat pag-gamiton sa ano man na bagay na magcrecrear nin pagkabaranga kan tao sa paagi nin mga mahaharang na tataramon political.
An dignidad kan misa na an katutotoanan kaini kabanalan kun yaon an mga raliyista makorahaw kan saindang kaangotan contra sa iba kaya an orden bako lang para ki Lozada.
Piglinaw kan simbahan na mayo man nin official statement si Legaspi kundi ini pagpa-girumduman sa kapadian sa sarong asemblia na dai gamiton an misa sa ano man na political rallies.
Si Lozada nakatalaan kuta na mag-abot sa Ciudad nin Naga sa Marzo 24, 2008 sa invitacion kan multi-sectoral group asin kan catholic school nganing magconducir man digdi nin “Mass for Truth” kaibahan si Lozada, alagad pigcancelar huli kan accion simbahan contra sa saiya.
Si Occiano na iyo an director kan Caceres Commission on Communication nagsabi na saindang pigsusuportaran an campania sa katutoanan mala ngani an Catholic Bishop Conference of the Philippines na-ngangapodan para sa katutoanan sagcod na pighurot ki PGMA na tunawon na an Executive Order 464.
Si Lozada padagos na pig-iipit kan gobierno kasunod kan saiyang pagtestigos sa ZTE deal na pano-pano nin curapcion na envuelto an mga taga Malacanang.
Sa mga rally na saiyang pig-aatendir parating sinisiwagan nin mga pagtuyaw si Presidente Gloria Macapagal-Arroyo huli sa isyu sa curapcion.
An ibang mga suportadores ni Lozada sa Ciudad nin Naga nagpahayag nin kamundoan sa orden kan Arzobispo huli ta igwa na logod naglangtad na star witness sa curapcion asin paghanap nin katutoanan dai suportado an sinambit na crusada.
