Sa pag-comemorar kan kaaldawan nin trabajadores, an Kilusang Mayo Uno (KMU) asin mga militanteng grupo nin mga trabajador sa Bicol malansar nin mga protest actions sa Ciudades kan Naga, Legaspi asin iba pang provincias kan kabikolan sa pangapodan sa gobierno nacional na aprovaran na an legislated wage increase na P125.
Afuera kan pighahagad na aprovaran na an legislated wage increase saindang pigtutulod an tax relief sa mga nagrerecibing hababang sueldo na perang taon nang pig-papangako kan gobierno alagad dai man narerealisar.
Si Jariz Beda, lider kan Bayan Muna sa Camarines Sur nagsabi na papangenotan kan KMU an mga protest action mientras nakatalaan na mag-abot sa Ciudad nin Naga an lider nacional kan KMU na dai paman pigngaranan.
An rally sa Bicol kasabay man kan iba pang hiro protesta kan mga militanteng trabajadores sa Metro Manila asin nagkapera pang rehiyon na activo an grupo sa pakikipag-laban kan saindang deretso.
Sa Camp Semion Ola kan Bicol PNP sa Ciudad nin Legaspi sa pamamayo ni OIC Regional Director Roberto Bondoc nag-alerto kan saiyang taohan sa anom na provincias kan kabikolan nganing magmantenir kan pace order sa mga protest actions.
An Pl25 na across the board salary increase enot nang nakalusot sa Bicameral Conference Committee sa Congreso, alagad nadiskaril kan magcontra an federacion nin mga employers sa Manila na pigsuportaran ni Presidente Gloria Macapagal-Arroyo.
Si Clarito Batac, lider kan Pinag-isang Manggagawa sa Kooperativa ng koryente sa Bicol nagsabi na saindang suportado an legislated wage increase huli ta enot na nganing na-aprovaran Sorsogon asin Catanduanes sa Mayo l4.
Si Jose Dizon, representante kan labor sector sa RTWPB nagsabi na saindang pigkasurondoan na dapat antes matapos an bulan na presente naka-aprovar na sinda kan bagong wage order.
Saiyang pig-proponer an 45 pesos na salary increase, alagad kun sa mga consultacion igwa pang ibang propuesto iyan pueding pag-orolayan defende sa magiging decicion kan labor sector, sabi pa ni Dizon.
Ipinahayag na an business sector na pig-rerepresentaran ninda Edgar Navarosa asin Marcelo Tan, parejong suportado na an wage increase, alagad dai paman nagsabi kun saindang uuyonan an P45 na dugang na sueldo.
Antes kan mga consultacion magkaka-igwa muna nin board meeting sa Mayo 8, 2008 sa Ciudad nin Legaspi nganing finalisaron an mga lugar kan mga nakatalaan na consultacion.
An junta nagpasar nin resolucion na naghuhurot sa National Wages and Productivity Commission na tugotan na sinda na magconducir nin consultacion asin mag-aprovar nin wage increase dawa dai pa na sarong taon an Wage Order No. l2 na mapaso sa Octubre 2008.
Sinabi ni Dizon susog sa reglamento sa laog nin sarong taon matapos aprovaran kan junta an wage increase dai kinakaipuhan na magpasar tulos nin panibagong wage increase sa laog nin sarong taon, ini nganing maging valido an saindang aaprovaran na bagong wage order. An presenting minimum na sueldo sa privadong sector sa Bicol nagcacantidad na nin 226 pesos.
An dugang na sueldo pigmamanda na kan Malacanang huli kan padagos na paglangkaw kan mga mayor na producto sa mercado, kabali na an bagas asin producto nin petrolio.
