An Camarines Sur iyo an provincia sa rehiyon cienco na may pinaka-dakulang total income na nag-sakat na sa Php1.056 billiones na iyo man an ika-trece sa mga provincia kan nacion. An net income kan provinciang ini nag-abot na sa Php233.85 milliones pinakadakula man sa anom na provincia sa rehiyon cienco asin ika-sampulo, o nasa top ten kan national ranking.

        An report na ini hali sa Commission on Audit (COA) na nagpapaheling kan comparascion nin mga financial statements para sa nakaaging fiscal year 2007 kan 80ng provincia. 135ng ciudades sa Filipinas asin 1,450ng banwaan sa bilog na Filipinas na dai palang nahahaloy pig-publicar sa perioodico nacional.

        Nangyari ini ngonian sa liderato ni Gobernador L-Ray Villafuerte sa pagpa-pusog kan financia kan provincia.

        Dakulang bagay sa gobierno provincial kan Camarines Sur nganing mapalangkaw an ingreso iyo an pagpalangkaw kan coleccion sa buis, kadagdagana na mga investments, kabali na an ingreso hali sa pang negocioyong actividades asin proyecto kaini siring kan CamSur Watersports Complex asin iba png mga programa sa turismo.

        Basado pa sa report kan COA an Camarines Sur iyo an ika-sampulo sa mga provincias kan nacion ini base sa cantidad nin pagsasadiri, o an inaapod na total equity na iyo an neto kan kagabsan na assets pagkatapos na bawason an mga utang o liabilities. An assests kan provincia nag-abot na sa Php2.651 billiones, an liabilities Php659 milliones asin igwang total equity na Phpl.992 billliones.