Hapot:

        HAPOT: ANO PO AN SIMBAGON KAN SARONG TAWO NA NAMBUNTOL MAN SANA, ALAGAD NATUMBA AN PIGBUNTOL, TUMINAMA AN PAYO SA PARIL, CAUSA TANGANING MABAGOK AN PAYO ASIN DAGOS NA MAGADAN.

        SIMBAG:

        “HE WHO IS THE CAUSE OF THE CAUSE IS THE CAUSE OF THE EVIL CAUSED.”

        An siisay daang causa o ginikanan kan salang gibo o akto na iyo an causa kan ano man na daños pisikal sa ibang tawo, iyo man an causa kan ano man na daños na consequencia kan saiyang ginibong sala.

        Iyo ini an sopas kan Art. 4(1) kan Revised Penal Code na nagsasabing: A person is criminally liable even if the wrongful act done be different from that which he intended.

        Kaya dawa an tuyong ginibo iyo man sana an pagbuntol sa sarong tawo, asin mayo man intension na manggadan, an consequenciang pagkagadan kan pigbuntol nin huli ta tuminama an payo kaini sa paril, dapat panimbangan kan may kagibo kan pagbuntol. Sa torotohanan sana, kun dai man kuta pigbuntol su tawo, dai man kuta sya matutumba asin mapangkol an saiyang payo sa paril. Imbes lugod physical injury sana an kasong simbagon kan nambuntol, homicide na an saiyang dapat panagutan sa ley taganing mata’wan nin hustisya an nagadan. An dai tuyong paggadan puede sanang maging mitigating circumstance na pampababa kan penalidad.