Diabetes

Eat less, walk more, and smell the flowers along the way, once more.

Iyan an rekomendasyon kan doctor sa pag-control kan helang na diabetes na an kadaklan na dinadapoan napuputolan nin bitis.

Sagkod ngonian dai pa aram kun ano an causa kan helang na diabetes. Alagad sa research, it is (daa) an functional disorder in which the body cannot handle certain foods, mainly sugar and starch.

Mga indications nin diabetes: sobrang pagkapaha; gatol nin lawas; madaling mapagal; marumarom na pagheling; ihi sanang ihi; kun lalaki haloy mapila; asin kun babae, an lugad talagang dai mapipila.

Most likely, an mga kandidato sa diabetes idtong past 40 na an edad asin sobra an pagbutog nin hawak; diabetes an helang kan mga magurang; asin mga babaeng gurang.

Simple sana man palan an bulong: planong pagkakan; diit na jogging o ballroom dancing; oral medication o kaya injection nin insulin.

Basically, idtong essential na nutrients na kaipuhan kan satuyang hawak aroaldaw iyo man giraray an kaipuhan. Alagad mas marhay na pilion an kakanon na kumpleto nin protina, bitamina, minerals, asin kulang tabi sa calories. An pagkakan bakong todo libre: kun mapupwede, late an pagpamahaw; early an pagpamanggi.

Sa pag-exercise kaipuhan mag-enjoy, bakong isipon na killjoy. Kun gusto nin jogging, by all means mag-jogging asin marhay ngani kun igwang ibang parong na kaantabay. Kun gusto nin ballroom, magpili nin DI na perfect partner tanganing an ballroom dancing maging enjoyable.

An gabos na ini ginibo kan samuyang amigo intimo na may helang nin diabetes pero dai pa sana nahahaloy binawian na nin buhay. Asin como kun saen an sukol duman an bukol, asukar man giraray an ikinagadan.

Nangyari na naging empleyado siya nin sarong sugar mill, bako an Pensumil. Bodegero an naging trabaho. Aksidente nagkaigwa nin linog; nagguho an kamada nin asukar na inaataman. Nadatugan, nagadan!